Փրոֆ. Էն Գարակէօզեան UCLA-ի Փոխտնօրէն Կը Նշանակուի

Karagozian

Քալիֆորնիոյ համալսարանի Լոս Անճելըսի մասնաճիւղի (UCLA) տնօրէնութիւնը կը տեղեկացնէ, թէ համալսարանի երկարամեայ դասախօսներէն՝ փրոֆ. Էն Գարակէօզեան, նշանակուած է Ուսումնասիրական հարցերու ժամանակաւոր փոխտնօրէն։ Այս մասին կը հաղորդէ ԱՄՆ-ի «Ասպարէզ» օրաթերթը։

Փրոֆ. Էն Գարակէօզեան 1982-էն ի վեր անդամ է համալսարանի ճարտարագիտութեան բաժանմունքի անձնակազմին, ինչպէս նաեւ համալսարանի ուժանիւթային ուսումնասիրութեանց տարրալուծարանի ղեկավարն է եւ՝ համալսարանին ու Միացեալ Նահանգներու օդուժին միացեալ մէկ ծրագիրը հանդիսացող Օդանաւային գիտութեանց համագործակցական կեդրոնի վարիչը։

Համալսարանէն ներս ան շարք մը այլ պաշտօններ ստանձնած է, իսկ համալսարանէն դուրս իր ստանձնած պաշտօններու շարքին է Հայաստանի Ամերիկեան համալսարանի հոգաբարձուի պաշտօնը։ Դոկտ. Էն Գարակէօզեան աւարտած է Քալիֆորնիոյ համալսարանի Լոս Անճելըսի մասնաճիւղի ճարտարագիտութեան բաժանմունքը ու մասնագիտացած է Քալիֆորնիոյ ճարտարագիտութեան հիմնարկին մէջ։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS