Վրաստանով Անցնող Երկաթուղին Կարեւոր Նշանակութիւն Ունի Հայաստանի Համար. ՀՀ Վարչապետ

train

Վրաստանով անցնող երկաթուղին կարեւոր նշանակութիւն ունի Հայաստանի համար: Այս մասին, ըստ News.am-ի, այս մասին յայտարարած է ՀՀ վարչապետ Տիգրան Սարգսեան՝ “Մոսքովսքիէ Նովըսթի”-ի հետ հարցազրոյցի մը ընթացքին` անդրադառնալով Վրաստանի վարչապետ Պիձինա Իւանիշվիլիի վերջերս Երեւան կատարած այցին եւ Աբխազիայով անցնող երկաթուղիի վերականգման հնարաւորութեան մասին հարցին:

“Ատրպէյճանն ու Թուրքիան շրջափակած են մեր սահմանները: Միջազգային պատժամիջոցները կը դժուարացնեն Իրանի հետ մեր տնտեսական կապերը, ուստի Վրաստանով անցնող երկաթուղին կարեւոր նշանակութիւն ունի: Հանդիպման ժամանակ մենք չէինք կրնար շրջանցել այդ հարցը: Ընթացած է շատ բաց եւ վստահելի խօսակցութիւն, չէ եղած հարց մը, որուն շուրջ մենք փոխհամաձայնութեան չգայինք եւ մեր դիրքորոշումները մօտ չըլլային: Վրաստանը եւս շահագրգռուած է Ռուսաստանի հետ յարաբերութիւնները կարգաւորելով: Մեզի ուրախացուցած է Վրաստանի վարչապետին դիրքորշումը` այս խնդիրներուն կծիկը քանդելուն վերաբերեալ եւ Ռուսաստանի հետ կապերը կարգաւորելու անոր շահագարգռուածութիւնը: Մենք յոյս ունինք, որ մօտ ապագային այս խնդիրը լուծում պիտի ստանայ եւ մենք եւս անոր համար պիտի ներդնենք առաւելագոյն ջանքերը”,- ըսած է Հայաստանի վարչապետը:

Խօսելով ղարաբաղեան խնդրի լուծման հնարաւորութեան մասին, Տ. Սարգսեան նշած է, որ ամէն բան, նախ եւ առաջ, կախուած է Ատրպէյճանի քաղաքական կամքէն: “Բանակցային գործընթացներու ժամանակ Հայաստանը միշտ ունեցած է կառուցողական դիրքորոշում, որ կը նշանակէ, թէ բանակցութիւններու ճանապարհով պէտք է գտնել փոխընդունելի որոշումներ: Բայց, ցաւօք, մեր հարեւանները պատրաստ չեն ատոր”,- ըսած է ան:

Խօսելով Թուրքիոյ հետ յարաբերութիւններու մասին, Հայաստանի վարչապետը նշած է, որ այդ հարցով կը զգացուի Ատրպէյճանի ուժեղ ազդեցութիւնը, որ Թուրքիայէն կը պահանջէ Հայաստանին մեկուսացման տանող քաղաքականութիւն վարել:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS