Հայաստան Կը Բանակցի Ներդրողներու Հետ Անսպառ Ուժանիւթի Ոլորտը Զարգացնելու Համար

Հայաստանի մէջ բանակցութիւններ կը տարուին տարբեր օտարերկրեայ եւ տեղական ներդրողներու հետ` հողմային եւ արեւային ուժանիւթի ոլորտներուն մէջ ծրագիրներ իրականացման համար: Այդ մասին «Արմէնփրես»-ին յայտնած է ՀՀ ուժանիւթի եւ բնական պաշարներու նախարարի մամուլի քարտուղար Լուսինէ Յարութիւնեան: Հայ-իտալական մասնաւոր ընկերութեան կողմէ աւարտած են Շիրակի մարզի Քարախաչ լեռնանցքի տարածքի հողմային ուժանիւթի ծրագիրի դիտարկման աշխատանքները: «Ընկերութիւնը Հանրային ծառայութիւնները կարգաւորող յանձնաժողովից ստացել է կառուցման լիցենզիա (արտօնագիր) մինչեւ 20 Մվթ գումարային դրուածքային հզօրութեամբ «Քարախաչ 1»է հողմաելեկտրակայանի կառուցման համար»,- նշած է Յարութիւնեան:

Մամուլի քարտուղարը տեղեկացուցած է, որ «Զօդ Ուինտ» մասնաւոր ընկերութիւնը աւարտած է Գեղարքունիքի մարզի Սոտքի լեռնանցքի տարածքին հողմային ուժանիւթի ծրագրի դիտարկման աշխատանքները: Ընկերութիւնը բանակցութիւններ կը վարէ տարբեր կազմակերպութիւններու հետ` 20 Մվթ գումարային դրուածքային հզօրութեամբ «Զօդ» հողմաելեկտրակայանի կառուցման նպատակով ներդրումներ ներգրաւելու ուղղութեամբ: Կը նախատեսուի Հայաստանի մէջ մինչեւ 2025 թուականը կառուցել 200 Մվթ ընդհանուր հզօրութեամբ հողմակայաններ:

Դեկտեմբեր 2005-ին Պուշկինի լեռնանցքին մէջ շահագործման յանձնուած է Հայաստանի, ինչպէս նաեւ Կովկասի մէջ, առաջին ցանցային հողմաելեկտրակայանը` 2,6 Մվթ ընդհանուր հզօրութեամբ: Նշուած տեղը կը նախատեսուի կառուցել մինչեւ 20 Մվթ ընդհանուր հզօրութեամբ հողմաելեկտրակայան: Հետազօտութիւնները ցոյց կու տուն Հայաստանի քամիի ուժանիւթի օգտագործման մեծ հեռանկարը: Հայաստանը ունի հողմային ուժանիւթի բաւականին զգալի պաշարներ, որոնց տնտեսապէս հիմնաւորուած ներուժը կը գնահատուի մօտ 1,26 միլիառ կվթ/ժ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS