ՀՀ Նախագահը Համահայկական Հիմնադրամի Հոգաբարձուներու Խորհուրդին Առաջարկած է Ընդունիլ Գործադիր Տնօրէնի Հրաժարականին Դիմումը

armen sarkissian

Հայաստանի Հանրապետութեան նախագահ, «Հայաստան» համահայկական հիմնադրամի Հոգաբարձուներու խորհրդի նախագահ Արմէն Սարգսեան, Յուլիս 10-ին, նամակով դիմած է Հոգաբարձուներու խորհուրդի անդամներուն՝ առաջարկելով ընդունիլ Հիմնադրամի գործադիր տնօրէն Արա Վարդանեանի հրաժարականին դիմումը, որ վերջինս ներկայացուցաթ էր նախորդ օրը:

ՀՀ նախագահի աշխատակազմի հասարակայնութեան եւ տեղեկատւութեան միջոցներու հետ կապերու վարչութեան տեղեկութիւններով՝ միեւնոյն ժամանակ, Հանրապետութեան նախագահը առաջարկած է «Հայաստան» համահայկական հիմնադրամի գործադիր վարչութեան ղեկավարումը ժամանակաւորապէս դնել Հոգաբարձուներու խորհուրդի անդամ, Ֆրանսայի տեղական մարմինի ատենապետ Պետրոս Թերզեանի վրայ, այնուհետեւ յայտարարել բաց մրցոյթ՝ Հիմնադրամի գործադիր տնօրէնի թափուր պաշտօնին համար:

Այդ նպատակով կ՝առաջարկուի ստեղծել մրցոյթային յանձնաժողով՝ Պետրոս Թերզեանի նախագահութեամբ: Յանձնաժողովի կազմին մէջ պիտի ընդգրկուին նաեւ Հանրապետութեան նախագահի, վարչապետի, Արցախի Հանրապետութեան նախագահի մէկական ներկայացուցիչ, ինչպէս նաեւ Հոգաբարձուներու խորհրդի անդամ Ալպերթ Պօղոսեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS