Ջաւախքին Նուիրուած Բարեգործական Դաշտահանդէս Նոր Ջուղայի Մէջ

javakhq-300x200

Նոր Ջուղայի «Հայուհեաց» բարեգործական ընկերութեան նախաձեռնութեամբ՝ ամէնամեայ կարգով կազմակերպուող Ջաւախքին եւ ջաւախահայութեան նուիրուած բարեգործական դաշտահանդէսը այս տարի կայացաւ Յունիս 29-ին` Նոր Ջուղայի Հայ մարզամշակութային «Արարատ»  միութեան շրջաբակին մէջ:

Norjugha.ir-ը կը տեղեկացնէ, թէ ձեռնարկի կազմակերպման գործին մէջ ընկերութեան հետ սերտ համագործակցութիւն  ցուցաբերած էր Նոր Ջուղայի Հայ մարզամշակութային «Արարատ» միութեան Կեդրոնական վարչութիւնը:

Խանդավառ մթնոլորտով այս ծրագիրին մէջ նախատեսուած էին հետաքրքրական խաղեր, երգ-երաժշտութիւն եւ համեղ ուտելիքներ: Նախատեսուած էր նաեւ նուիրահաւաքի կրպակ, ուր փափաքողները առիթ ունեցան իրենց սրտաբուխ նուիրատւութիւնները կատարելու` ի  նպաստ Ջաւախքի եւ ջաւախահայութեան:

Դաշտահանդէսի հասոյթը պիտի յատկացուի շրջանի Հայ Դատի յանձնախումբին կողմէ ստեղծուած «Ջաւախք» հիմնադրամին:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS