Վահագն Չախալեանի Կոչը ՀՀ Իրաւապահ Մարմիններուն

echmiadzin

Մեր մտահոգութեան եւ անհանգստութեան պատճառ հանդիսացած են վերջին օրերուն Սուրբ Էջմիածինի մէջ ծաւալող իրադարձութիւնները, որոնց ընթացքին Նոր Հայաստան՝ Նոր կաթողիկոս նախաձեռնութիւնը, Գարեգին Բ Ամենայն Հայոց Կաթողիկոսի հրաժարականին պահանջը շահարկելով, դիմած են ծայրայեղ քայլի, բռնագրաւելով Վեհարանը:

Ցանկացած խնդիր ունի լուծման իր բանաձեւը, անշուշտ Սուրբ Էջմիածինի մէջ ալ կան խնդիրներ, անոնց առկայութիւնը ոեւէ մէկը չի պատրաստուիր հերքել եւ չի ալ կրնար, սակայն ատիկա թոյլ չի տար ոեւէ մէկուն, պարտադրելու ամբողջ ազգային կառոյցի մը, եղած խնդիրներուն լուծում տալու ըստ իր եւ հաւանաբար իր տէրերու՝ ճաշակի, ախորժակի, վիճելի աշխարհընկալման եւ աշխարհահայեացքի:

Անընդունելի է՝ անօրինական եւ ապօրինի ճանապարհով ու միջոցներով «պայքարիլ» ցանկացած ծաւալի անօրինականութեան եւ ապօրինութեան դէմ, առաւել եւս որ հարուածը աւելի շատ կը հասնի մեր հազարամեայ ազգային եկեղեցիին, քան պայքարի թիրախ հռչակուած անհատներուն։ Հաւանաբար շատերուն մղումները անկեղծ են, սակայն ընտրուած ճանապարհը վտանգաւոր է եւ անթոյլատրելի, ընտրուած ճանապարը պառակտիչ է ու դատապարտելի… տարածաշրջանին մէջ, ուր տարուէ տարի կտրուկ կը նուազի քրիստոնեաներու քանակը եւ որակը, ինչ «վեհ նպատակներ»-ու համար ալ, որ ըլլայ այս աղմուկ-աղաղակը, ԴԱՒԱՃԱՆՈՒԹԻՒՆ է վարկաբեկել մեր հազարամեայ եկեղեցին եւ Սրբավայրերը: Խնդիրներ ունի՞ք, խնդիրնե՞ր կը տեսնէք, խնդրեմ գտէք ճիշդ ճանապարհները եւ միջոցները ու լուծեցէք, սակայն մեր Սրբավայրերէն ու Եկեղեցիէն հեռու պահեցէք ձեր ձեռքերը։

Անթոյլատրելի եւ անդառնալի հետեւանքներով յղի է, նման խնդիրներ լուծելու գործելաւոճը, որ կրնայ նախադէպ դառնալ, որ անվերապահօրէն իր բացասական հետեւանքը կրնայ ձգել, ո՛չ միայն մեր ազգային եկեղեցւոյ, այլեւ՝ ՀՀ յետագայ զարգացման վրայ:

Առաւել անթոյլատրելի է պատկան մարմիններուն անգործունէութիւնը, ձեռքերը ծալլած նստելու եւ իրադարձութիւններու ընթացքին չխառնուելու գործելաոճը: Ուստի կոչ կ՝ընենք անոնց, անյապաղ ձեռնարկելու անհրաժշտ քայլեր, որպէսզի իրաւաիճակը ալ աւել չսրի ու դուրս գայ վերահսկողութենէ: Մենք կրնանք նոյն յաջողութեամբ մեր Սրբավայրերը դատարկել անկարգ եւ անսուրբ մարդոցմէ, սակայն համոզուած ենք որ ՀՀ-ի մէջ կան օրինական մարմիններ, որոնց առաջին հոգը պէտք է ըլլայ ազգային աւանդական արժէքներուն անվտանգութիւնը։ Յոյսով ենք անյապաղ կը կատարուի ցանկալին եւ իրաւապահ մարմինները կը վերականգնեն մեր սրբավայրերուն անդորրը եւ Սուրբ Էջմիածինը վերստին հնարաւորութիւն կը ստանայ շարունակելու իր բնականոն աշխատանքը։

Վահագն Չախալեան

09.07.2018 թ.

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS