Թուրքիան Զբօսաշրջիկներու Համար Պիտի Բանայ Առաջին Քրիստոնեաներու Ստորգետնեայ Քաղաքները

89667

Թուրքիոյ իշխանութիւնները զբօսաշրջիկներուն համար պիտի բանայ Քըրշեհիրի 12 ստորգետնեայ քաղաքները: Այս մասին, ըստ News.am-ի, կը գրէ «ՌԻԱ Նովըստի»-ն:

Ստորգետնեայ վանքերով, դարպասներով, խմելու ջուրի ջրհորներով, ախոռներով եւ օդափոխման համակարգերով այս քաղաքները կառուցած են հռոմէական իշխանութիւններու հետապնդումներէն փրկութիւն որոնող առաջին քրիստոնեաները:

Անոնք ո՛չ միայն ժամանակաւոր հաւաքատեղիներ եղած են, այլեւ մշտական բնակավայրեր: Ամենամեծ բնակավայրը՝ Դերինկույուն, մինչեւ 20 հազար մարդ տեղաւորած է՝ անասուններով եւ պաշարով:

Հակառակ հարուստ պատմութեան ու յայտնի հանգստավայրերուն՝ Քըրշեհիրը այնքան ալ մեծ ճանաչում չի վայելեր, այդ պատճառով թրքական իշխանութիւնները յոյս ունին, որ ստորգետնեայ քաղաքները պիտի գրաւեն արտասահմանցի զբօսաշրջիկները:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS