Հակառակորդը Արցախի ՊԲ Սահմանային Դիտարկում Իրականացնող Անօդաչու Թռչող Սարք մը Խոցած է

plane

Արցախա-ատրպէյճանական հակամարտ զօրքերու սահմանագծի հարաւարեւելեան ուղղութեամբ սահմանային դիտարկում իրականացնելու ժամանակ՝ Յունիս 19-ի ժամը 11.20-ի սահմաններու՝ հակառակորդին կողմէ խոցուած է ՊԲ անօդաչու թռչող սարք: Այս մասին կը յայտնեն Արցախի Հանրապետութեան ՊՆ մամուլի ծառայութենէն:

«Հակառակ այն հանգամանքին, որ ատրպէյճանական կողմը կը փորձէ նման քայլերով խոչընդոտել հայկական անօդաչու թռչող սարքերու պաշտպանական կարեւոր նշանակութեան թռիչքները, այդուհանդերձ՝ Արցախի զինուած ուժերու հրամանատարութիւնը վճռական է այսուհետեւ եւս շարունակելու օդային դիտարկման բնականոն գործընթացը եւ, միաժամանակ, ինչպէս առ այսօր, այնպէս ալ այսուհետ պատասխան պատժիչ գործողութիւններով զսպելու հակառակորդի աշխուժութիւնը օդի մէջ եւ ցամաքի վրայ»,- նշուած է գերատեսչութեան հաղորդագրութեան մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS