«Աւօ, Դուն Անմահ Ես»․ Մարտունիի Մէջ Մոնթէի Յիշատակի Օրերն են

90112_b

«Աւօ, դուն անմահ ես». այս խօսքով մեկնարկեց Արցախի Մարտունի քաղաքին մէջ Մոնթէ Մելքոնեանի՝ մարտունեցիներու համար՝ Աւոյի նուիրուած յիշատակի հանդիսութիւնը։

Յունիս 12-ին, Հայաստանի եւ Լեռնային Ղարաբաղի հանրապետութիւններու ազգային հերոս, Մարտունի շրջանի ինքնապաշտպանական ուժերու հրամանատար Մոնթէ Մելքոնեանի մահուան 25-րդ տարելիցն էր։

Մարտունի եկած են Մոնթէի ընտանիքի անդամները՝ այրին, եղբայրը, քոյրերը իրենց ընտանիքներով, մարտական ընկերներ՝ Հայաստանէն ու Սփիւռքէն։

Յիշատակի արարողութիւնը սկսաւ Մարզիլի բնակավայրին մէջ Մոնթէին նուիրուած յուշարձան այցով, ապա՝ Մարտունիի կեդրոնական հատուածին մէջ Մոնթէին նուիրուած կիսանդրիին մօտ՝ տեղի ունեցաւ յիշատակի արարողութիւն։ Մարտունեցիները հիւրերը կը սպասէին մշակոյթի տան մէջ։ Այստեղ ցուցադրուեցան Մոնթէի խօսքերէն, հարցազրոյցներէն հատուածներ, Մոնթէի անուան մանկապարտէզի սաները երգեցին ու պարեցին՝ ի յիշատակ Մոնթէի։

Մոնթէի եղբայրը՝ Մարգար Մելքոնեան, Մելքոնեան ընտանիքի անունով շնորհակալութիւն յայտնեց մարտունեցիներուն՝ ըսելով, որ Մոնթէն արդէն իրե՛նց զաւակն է։

Մոնթէի կինը՝ Սեդա Գպրանեան-Մելքոնեան ըսաւ, որ Մոնթէի յիշատակի օրերուն համար հայրենիք վերադառնալը իրեն համար հակասական զգացողութիւններ կ՝առաջացնեն։

«Մէկ կողմէն գիտես, որ ֆիզիքապէս այլեւս պիտի չտեսնես այդ մարդը, բայց միւս կողմէ շնորհակալ ես, որ կեանքիդ մէջ այդպէս մարդ տեսած ես»,- ըսաւ ան։

Մոնթէի քոյրերը՝ Մայլէ, Մարսիա Մելքոնեաններ

Սեդա Գպրանեան-Մելքոնեանի քոյրերը

Սեդայի որդին՝ Սարօ-Մոնթէն

Մոնթէի ազգականները

Մոնթէի ընկերները

Մարգար Մելքոնեանի դուստրն ու քոյրը

Մելքոնեանի ընտանիքի անդամները այցելեցին Մոնթէի մարտական ընկեր, վարորդ Կոմիտասի տուն։

Կոմիտասի մայրը՝ Ռայիսան՝ Մարգար Մելքոնեանի եւ Սեդա Գպրանեան-Մելքոնեանի հետ

լուսանկարները եւ տեսանիւթը՝ Յակոբ Պօղոսեանի

Սեդա Ղուկասեան

Hetq.am

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS