Նիկոլ Փաշինեան Հանդիպում Պիտի Ունենայ Վլատիմիր Փութինի Հետ

nigol-putin

Հայաստանի վարչապետ Նիկոլ Փաշինեան, Մոսկուա կատարած այցին ընթացքին, պիտի հանդիպի Ռուսիոյ նախագահ Վլատիմիր Փութինի հետ:

Ռուսիոյ Դաշնութեան նախագահի մամուլի քարտուղար Տմիթրի Փէսքով յայտարարած է, որ Փութին բանակցութիւններ պիտի ունենայ քանի մը երկրի ղեկավարներու, ներառեալ՝ Ատրպէյճանի, Հայաստանի, Պոլիվիոյ, Լիբանանի, Պելառուսիոյ եւ Սէուտական Արաբիոյ առաջնորդներու հետ։ Այս մասին կը հաղորդէ News.am-ը:

Նշենք, որ արդէն կայացած է Ռուսիոյ եւ Ատրպէյճանի նախագահներուն հանդիպումը: Երկրի ղեկավարները ժամանած են Մոսկուա՝ Աշխարհի բաժակի բացման արարողութեան մասնակցելու համար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS