ԱՄՆ-ի Ծերակուտականը Թուրքիոյ եւ Ատրպէյճանի Դէմ Պատժամիջոցներ Կիրառելու Կոչ Կ՝ընէ

88109

Միացեալ նահանգներու Միսիսիփի նահանգի ծերակուտական, հանրապետական քոնկրէսական Ռոճըր Վիքըր օրինագիծ ներկայացուցած է քոնկրէս եւ կոչ կ՝ընէ Տանըլտ Թրամփին պատժամիջոցներ կիրառելու Թուրքիոյ, Ատրպէյճանի եւ շարք մը այլ երկիրներու նկատմամբ։

Ըստ Ermenihaber.am-ի՝ այդ օրինագիծին մէջ նշուած է, որ Թուրքիոյ, Ատրպէյճանի, Ղազախստանի, Թուրքմենիստանի, Ուզպեքիստանի, Ուքրանիոյ մէջ կը խախտուին մարդոց կրօնական ազատութիւնները եւ հիմնարար իրաւունքները։

Այդ օրինագիծին աջակցութիւն յայտնած են շարք մը այլ հանրապետական եւ դեմոկրատ քոնկրէսականներ:

Կը յիշատակուի ամերիկացի հոգեւորական Անտրիւ Պրիւնսընը, որ գիւլենական համայնքի հետ կապ ունենալու մեղադրանքով կալանաւորուած է Թուրքիոյ մէջ։ Անոր կը սպառնայ մինչեւ 25 տարուան զատազրկում։

Առաջարկուած է ԱՄՆ-ը մուտք գործելու հարցով որոշ արգելքներ սահմանել թուրք պաշտօնեաներու նկատմամբ: Բացի այդ, հնարաւոր է, որ Թուրքիոյ նկատմամբ կիրառուին նիւթական պատժամիջոցներ։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS