Հայաստանի Մէջ Արտադրուած Պարէնային Ապրանքներու Շնորհանդէս Մոսկուայի Մէջ

3093

Յունիս 8-ին, Մոսկուայի մէջ՝ Ռուսիոյ Դաշնութեան մէջ Հայաստանի դեսպանութեան յարկին տակ, տեղի ունեցած է Հայաստանի մէջ արտադրուած պարէնային ապրանքներու շնորհանդէս: Այս մասին կը հաղորդեն ՀՀ տնտեսական զարգացման եւ ներդրումներու նախարարութենէն։

Շնորհանդէսին, որուն մասնակցած են պարէնային ապրանքներու աւելի քան երկու տասնեակ արտադրողներ Հայաստանէն, ներկայացուած է սննդամթերքի լայն տեսականի․ կաթնամթերք (պանիրներ), գինիի եւ քոնեակի տեսականի, պահածոներ միրգերու եւ բանջարեղէնի, հրուշակեղէն, վերամշակուած մսամթերք, ձկնամթերք եւ այլն։ Որոշ արտադրողներ՝ ռուսական շուկայի մէջ՝ ներկայացուած են առաջին անգամ:

Շնորհանդէսին ռուսական կողմէն ներկայ եղած են տարբեր մակարդակի առեւտրային ընկերութիւններու ներկայացուցիչներ՝ սկսեալ խոշոր մանրածախ առեւտրային ցանցերէն, ինչպէս՝ X5 Retail Group-ը, մինչեւ համացանցային խանութներ, նաեւ գործարարներ, ճաշարաններու, հասարակութեան լայն զանգուածի եւ մամուլի ներկայացուցիչներ: Ու քանի որ Մոսկուան կը հանդիսանայ նաեւ խոշորագոյն համեմատական կեդրոն, ուր կ՝իրականացուին արտահանման-ներմուծման մեծածաւալ գործառնութիւններ, շնորհանդէսին հրաւիրուած եւ մասնակցած են նաեւ պարէնային ապրանքներու ուղղութեամբ մասնագիտացած համեմատական կեդրոններու ներկայացուցիչներ։

ՀՀ տնտեսական զարգացման եւ ներդրումներու նախարարութեան առաջարկին համապատասխան՝ հաշուի առնելով Ռուսիոյ Դաշնութեան մէջ բնակող մեր հայրենակիցներուն հետաքրքրութիւնը եւ ցանկութիւնը՝ մասնակցելու Հայաստանի տնտեսութեան զարգացման գործընթացներուն, շնորհանդէսին հրաւիրուած եւ մասնակցած են նաեւ հայկական ծագումով ՌԴ գործարար համայնքի ներկայացուցիչներ, որոնք յայտնած են շնորհանդէսին ներկայացուած շարք մը ձեռնարկութիւններու մէջ ներդրումներ կատարելու իրենց մտադրութեան մասին:

Շնորհանդէսը կազմակերպուած էր Ռուսիոյ Դաշնութեան մէջ Հայաստանի Հանրապետութեան դեսպանութեան եւ Հայաստանի առեւտրական ներկայացուցիչին կողմէ՝ «Պիզնես Հայաստան» հիմնադրամին մասնակցութեամբ:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS