«Նոր Հայաստան, Նոր Հայրապետ» Կարգախօսով Ցոյցերը Կը Շարունակուին

karekin

«Նոր Հայաստան, նոր հայրապետ» շարժումի մասնակիցները կը շարունակեն պահանջել կաթողիկոսի հրաժարականը, կը հաղորդէ Armradio-ն:

Սուրբ Գրիգոր Լուսաւորիչ եկեղեցւոյ բակին մէջ, Կիրակի օր նոյնիսկ ծեծվըռտուք տեղի ունեցաւ կաթողիկոսի հրաժարականը պահանջողներուն ու անոր սատար կանգնողներուն միջեւ:

Մայր Աթոռ Սուրբ Էջմիածնի միաբան, Հայորդաց տուներու տեսուչ-տնօրէն Կոմիտաս վարդապետ Յովնանեան կը յայտնէ, որ առաջին անգամ չէ, որ որոշ ուժեր հանդէս կու գան եկեղեցւոյ դէմ: Ըստ անոր՝ այդ ուժերը կը փորձեն տկարացնել նաեւ եկեղեցւոյ դերը ժողովուրդի կեանքի մէջ:

Աղանդաւորական շարժումները Հայաստանի մէջ ձեւաւորուած են Մայր Աթոռի թուլութեան եւ որոշ հոգեւորականներու սրբապիղծ գործունէութեան հետեւանքով՝ կը հակադարձէ «Նոր Հայաստան, նոր հայրապետ» շարժման մասնակից Տիգրան Եղոյեան:

«Հայոց եկեղեցին մեր պատմութեան ամենահին եւ աւանդապաշտ կառոյցն է. 21-րդ դարուն  եկեղեցին պէտք չէ՞բարեփոխումներու ենթարկուի» հարցումին հայր Կոմիտասը արձագանգեց՝ ըսելով, որ մեր եկեղեցւոյ օրէնքով՝ կաթողիկոսը կ՛ընտրուի ցմահ: Նոյն ժամանակ ան կ՛ընդունի, որ փոփոխութիւններ, այնուամենայնիւ, անհրաժեշտ են նաեւ Հայ առաքելական եկեղեցւոյ մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS