«Ժամանակն է Վերադարձնել Տիգրանակերտը»․ Ընտրողներու Ակնկալիքները Կարօ Փայլանէն

34859362_1706701159419793_5269344171138744320_n

Ընկերային ցանցի մէջ Կարօ Փայլանի  ունեցած բաժանորդները կ՛ըսեն, որ յառաջիկայ ընտրութիւններուն քրտամէտ կուսակցութեան յաղթանակը Տիարպեքիրին հնարաւորութիւն պիտի տայ վերադարձնելու իր պատմական անուանումը:

Թուրքիոյ խորհրդարանի պոլսահայ պատգամաւոր,  քրտամէտ ընդդիմադիր ժողովուրդներու ժողովրդավարական կուսակցութեան (ԺԺԿ) ներկայացուցիչ Կարօ Փայլան հանդիպած է Տիարպեքիրի ընտրողներու հետ:

Յիշեցնենք` Յունիս 24-ին Թուրքիոյ մէջ տեղի պիտի ունենայ  արտահերթ խորհրդարանային ու նախագահական ընտրութիւններ: Հայ պատգամաւորը Տիարպեքիրէն իր թեկնածութիւնը ներկայացուցած է: Փայլան հանդիպած է քաղաքի բնակիչներու հետ, անոնց փոխանցած է  ազատազրկման մէջ գտնուող կուսակցութեան առաջնորդ Սելահաթթին Տէմիրթաշի ողջոյնները:

Instagram-ի իր էջին մէջ քաղաքական գործիչը բնակիչներու հետ հանդիպումէն լուսանկարներ տեղադրած է ու մեկնաբանած․ «Կը շարունակենք աշխատիլ ԺԺԿ-ի համար օրական 24 ժամ»:

Բաժանորդներէն մէկը Փայլանին գրած է, որ Տիարպեքիրին իր պատմական անուանումը` Տիգրանակերտը, վերադարձնելու հնարաւորութիւն ընձեռուած է: Տիգրան Մեծի օրօք անիկա Մեծ Հայքի մայրաքաղաքը եղած է:

Աւելի առաջ ԺԺԿ-ի առաջնորդ Տէմիրթաշ ըսած էր, որ Տիարպեքիրի բնիկները հայերն են:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS