Հայաստանի Առաջին Հանրապետութեան 100-Ամեակի Հաւաք եւ Սուրբ Պատարագ Ուինիփեկի Մէջ

34646811_1266332493501225_1467252998311772160_o

Ուիննիփեկի մէջ, Շաբաթ 3 Յունիսին, Առաջնորդական Փոխանորդ Գերապատիւ Տ. Գեղարդ Ծ. Վրդ. Քիւսպէկեան, մասնակցեցաւ տեղւոյն Ս. Վարդան Հայ Առաքելական Եկեղեցւոյ համայնքի կազմակերպած՝ Հայաստանի Առաջին Հանրապետութեան անկախացման 100-ամեակի հաւաքին, որու բացման խօսքը կատարեց՝ Սարօ Պօղոսեան եւ մեներգեցին՝ Սվէթլանա Ղարակէօզեան եւ Սարմէն Պօղոսեան: Այս մասին կը հաղորդէ Գանատայի «Հորիզոն» շաբաթաթերթը։

Ապա՝ Հայր Սուրբը խօսեցաւ 600 տարիներ շարունակ պետականութիւն չունեցող Հայ Ժողովուրդին կերտած անկախութեան պատմական անկիւնադարձային նշանակութեան մասին, որպէս հիմնաքար՝ հետագայ երկրորդ՝ Սովետական, եւ երրորդ՝ Արդի Հայաստանի զոյգ Հանրապետութիւններու անկախութեանց: Հայր Սուրբը անդրադարձաւ նաեւ՝ ներկայիս Հայաստանի մէջ տեղի ունեցող անցուդարձերուն, աղօթք բարձրացնելով առ Աստուած, որպէսզի Հայաստան ծաղկի եւ բարգաւաճի եւ համախմբէ աշխարհացրիւ իր զաւակները, իր մայրենի գրկին մէջ:

Իսկ Կիրակի 4 Յունիսին, Հայր Գեղարդ մատուցեց Սուրբ Պատարագ, որուն յաջորդեց մկրտութեան արարողութիւն, ապա՝ հաւաքական ճաշկերոյթ, համայնքի զաւակներուն հետ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS