Սփիւռքը Պէտք Է Ներգրաւուած Ըլլայ Հայաստանի Կեանքին ՄԷջ. ՀՀ Նախագահ

armen sarkissian

Սփիւռքը որպէս փողի աղբիւր դիտարկելը ճիշդ չէ: ՀՀ նախագահ Արմէն Սարգսեան «Հայաստան» համահայկական հիմնադրամի հոգաբարձուներու խորհուրդի նիստի ընդմիջման  ընթացքին լրագրողներուն հետ զրոյցին իր մտահոգութիւնը յայտնեց այս առնչութեամբ:

«Մենք կը խօսինք ազգային միասնութեան մասին, կը խօսինք այն մասին, որ սա փոքր երկիր է, բայց մեծ ազգ` աշխարհով մէկ: Շարժման օրերուն մենք տեսանք, թէ ինչպէս աշխարհի տարբեր երկիրներէ մեր հայրենակիցները աշխոյժ կը մասնակցին: Ոմանք աշխոյժ էին ընկերային ցանցերու մէջ, ոմանք`անձամբ կու գային: Հիմա հարց է , արդեօ՞ք Սփիւռքը իսկապէս անոր համար է, որ դուրսէն դրամ ուղարկէ եւ որեւէ իրաւունքներ, մասնակցութիւն  չունենայ երկրի զարգացման: Ես կը կարծեմ, որ ատիկա բացարձակապէս սխալ մօտեցում է»,- “Արմէնփրես”-ի փոխանցմամբ, ըսաւ Արմէն Սարգսեան: ՀՀ նախագահը ընդգծեց, որ Սփիւռքի մէջ ապրող մեր հայրենակիցները պէտք է ունենան ե՛ւ պարտականութիւններ, ե՛ւ իրաւունքներ:

«Մեր նպատակներէն մէկը պէտք է ըլլայ ճիշդ, ազնիւ, բաց ձեւով Սփիւռքը ներգրաւելը երկրի զարգացման գործին:  Այսօր Հայաստանի, Սփիւռքի միջեւ կան հոգեբանական իրաւական պատնէշներ, եւ մենք պէտք է ատոնք վերացնենք: Եթէ ատիկա չվերացնենք, ապա սփիւռքահայը կը շարունակէ դիտարկուիլ որպէս օգնող, եւ Հայաստանի մէջ իրաւունքներ չունենայ, ինչ որ ճիշդ չէ: Գուցէ մէկ օր հասնինք անոր, որ Սփիւռքի մէջ ապրող մեր հայրենակիցները, որոնք Հայաստանի քաղաքացիութիւն ունին, հնարաւորութիւն ստանան մասնակցելու ընտրութեան»,-ըսաւ Արմէն Սարգսեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS