Նիկոլ Փաշինեան Այցելեց Հակառակորդի Արձակած Կրակոցէն Վիրաւորուած Զինծառայողին

663

Վարչապետ Նիկոլ Փաշինեան այցելած է Պաշտպանութեան նախարարութեան զինուորական հիւանդանոց, ուր տեսակցած է Մայիս 13-ին հակառակորդի կողմէ արձակուած կրակոցէն հրազէնային ծանր վիրաւորում ստացած ՊԲ զինծառայող Շամխալ Սէյրանի Պետրոսեանին, կը հաղորդէ “Նիուզ”-ը:

Բժիշկները Փաշինենանին ներկայացուցած են զինծառայողին առողջական վիճակն ու ապաքինման ընթացքը: Նիկոլ Փաշինեան զրուցած է զինծառայողին հետ, մաղթած շուտափոյթ ապաքինում եւ շնորհակալութիւն յայտնած անոր անձնուէր ծառայութեան համար:

Կառավարութեան ղեկավարը այցելած է նաեւ հիւանդանոցի այլ սենեակներ` առողջութիւն մաղթած այնտեղ բուժուող զինծառայողներուն: Շրջայցի ընթացքին ծանօթացած է հիւանդանոցի յագեցուածութեան եւ առկայ ենթակառուցուածքներու մակարդակին:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS