Արցախի Նախագահը Ներկայ Եղած է Արցախեան Գորգերու Ցուցահանդէսի Բացման Արարողութեան

933979

Արցախի Հանրապետութեան նախագահ Բակօ Սահակեան, Մայիս 18-ին, այցելած է Արցախի պետական պատմաերկրագիտական թանգարան եւ ներկայ եղած Թանգարաններու միջազգային օրուան նուիրուած արցախեան գորգերու ցուցահանդէսի բացման հանդիսաւոր արարողութեան։ Այս մասին կը տեղեկացնեն Արցախի Հանրապետութեան նախագահի աշխատակազմի տեղեկատւութեան գլխաւոր վարչութենէն:

Երկրի ղեկավարը կարեւոր համարած է նման ձեռնարկներու նշանակութիւնը ազգային աւանդոյթներու պահպանման եւ տարածման, մշակութային եւ գիտա-կրթական տեսանկիւններէն։

Հանդիպման մասնակցած են Արցախի Հանրապետութեան Ազգային ժողովի փոխնախագահ Վահրամ Բալայեանը, մշակոյթի, երիտասարդութեան հարցերու եւ զբօսաշրջութեան նախարար Սերգէյ Շահուերդեանը եւ պաշտօնատար այլ անձեր։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS