«Մերժում Ենք Տարօնին» Խումբի Անդամները Ներխուժեցին Քաղաքապետարան

99(5)

«Մերժում ենք Տարօնին» ցոյցի մասնակիցները, որոնք այսօր քաղաքապետարանի առջեւ բողոքի ցոյց կ՛իրականացնէին, քիչ առաջ ներխուժեցին քաղաքապետարանի շէնք:

Անոնք կը վանկարկեն «Տարօն, հեռացիր»: Քաղաքապետարան մտած ցուցարարները կը պահանջեն հանդիպիլ քաղաքապետին հետ:

Բողոքի մասնակիցները, բացի քաղաքապետի հրաժարականէն, կը ցանկան պարզաբանում ստանալ Շահումեան հրապարակի յարակից տարածքին մէջ գտնուող այգին քանդելուն վերաբերեալ:

Երեւանի քաղաքապետարանի աշխատակազմի քարտուղար Սերգէյ Մակարեան տեղի ունեցած ներխուժման համար դիմեց ոստիկանապետ Վալերի Օսիպեանին ։
«Օրէնսդրութեան խախտմամբ տեղի ունեցած է ներխուժում՝ ՀՀ ոստիկանութեան կողմէ պահպանուող պետական պահպանութեան կառոյց հանդիսացող Երեւանի քաղաքապետարանի շէնք։ Կը դիմեմ Ձեզի` ձեռնարկելու միջոցներ ոչ օրինական գործողութիւնները դադրեցնելու եւ քաղաքապետարանի բնականոն գործունէութիւնը վերականգնելու համար»,-ըսուած է քաղաքապետարանի պաշտօնական էջին մէջ հրապարակուած յայտարարութեան մէջ:

Այսօր առաւօտեան ցուցարարները «Մերժենք Տարօնին եւ իր բարեկարգումը» կոչով բողոքի ցոյց իրականացուցին Երեւանի Ալեքսանդր Միասնիկեանի արձանի յետնամասին մէջ գտնուող պուրակի մօտ:

Երէկուընէ Ֆէյսպուքի մէջ լուսանկարներ կը տարածուին, որ բարեկարգման նպատակով փակուած այգիին մէջ ուռենիներ հատուած են:

Ցուցարարները այսօր հեռացուցին ցանկապատը, պարզաբանելով` որպէսզի քաղաքացիները տեսնեն, թէ ինչ կը կատարուի այգիին մէջ:

Թէեւ քաղաքապետարանը յայտարարած էր, որ բարեկարգման արդիւնքով ծառեր պիտի չհատուին, շատրուաններ պիտի կառուցուին, սակայն հիմա այգիին միջնամասին մէջ գրեթէ ծառեր չկան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS