Իսրայէլի Պատասխանը` Էրտողանին. «Ան Վերջին Մարդն է, Որ Կրնայ Բարոյախօսութեան Քարոզներ Կարդալ»

natanyahu

Իսրայէլի վարչապետ Բենեամին Նեթանեահու արձագանգած է Թուրքիոյ նախագահ Ռեճեփ Թայիփ Էրտողանի այն յայտարարութեան, երբ ա «ցեղասպանութիւն» անուանած էր Կազայի հատուածին մէջ տեղի ունեցած բախումները:

«էրտողան Համաս»-ի ամենամեծ աջակցողներէն է: Այդ իսկ պատճառով ան, անկասկած, լաւ գիտէ, թէ ինչ բան է ահաբեկչութիւնը եւ կոտորածը: Իրեն խորհուրդ կու տամ, որ մեզի բարոյականութեան խրատներ չտայ: Մարդ, որ հազարաւոր թուրք զինուորներ կ՛ուղարկէ Կիպրոս այնտեղի գրաւումին աջակցելու համար, մարդ, որ կը ներխուժէ Սուրիա, իրաւունք չունի մեզի խրատներ տալու, այն պարագային, երբ մենք ընդամէնը մեզ կը պաշտպանենք «Համաս»-էն: Էրտողան, որուն ձեռքերը թաթախուած են Սուրիոյ եւ Թուրքիոյ մէջ ապրող անթիւ քիւրտերու արեան մէջ, վերջին մարդն է, որ կրնայ բարոյախօսութեան քարոզներ կարդալ»,-ըսած է Նեթանեահու:

Յիշեցնենք, Երուսաղէմի մէջ ԱՄՆ դեսպատան բացումէն ժամեր առաջ բողոքի ցոյցեր տեղի ունեցան Իսրայէլի եւ Կազայի հատուածի սահմանին վրայ: Ըստ Պաղեստինի առողջապահութեան նախարարութեան տուեալներուն, Մայիս 14-ի երեկոյեան անկարգութիւններու հետեւանքով առնուազն 58 պաղեստինցնի զոհուած է, եւս 2700-ը` վիրաւորուած: Թուրքիոյ նախագահ Էրտողան Իսրայէլի գործողութիւնները Կազայի մէջ «ցեղասպանութիւն» անուանած է:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS