ՀՀԿ-ին Կոչ Կ՝ընենք Չդիմելու Սադրանքներու եւ Ընդունելու Ժողովուրդի Յաղթանակին Փաստը

Снимок-1

Կոչ կ՝ընենք Հայաստանի Հանրապետական կուսակցութեան չդիմելու սադրանքներու եւ առճակատման ճանապարհով ու վերջնականապէս ընդունելու Հայաստանի ժողովուրդին բացարձակ մեծամասնութեան կամքը: Հայաստանի մէջ վերջին օրերուն ծաւալած իրադարձութիւնները անկասկած կը վկայեն, որ տեղի ունեցածը համազգային ժողովրդական յեղափոխութիւն է, որուն պահանջը քաղաքացիներուն մէջ հասունցած էր տասնեակ տարիներու ընթացքին: Այս առումով ճիշդ պիտի ըլլայ ՀՀԿ-ն հետեւի նախկին վարչապետ Սերժ Սարգսեանի օրինակին ու առանց առճակատման դիմելու՝ ընդունի Հայաստանի քաղաքացիներու եւ աշխարհասփիւռ հայութեան պահանջները:

Համոզուած ենք, որ ստեղծուած իրավիճակին մէջ երկխօսութիւնը ՀՀԿ-ի հետ ո՛չ մէկ էական արդիւնքի չի կրնար յանգեցնել, քանզի փողոց իջած ժողովուրդին պահանջը մէկն է,  որ ՀՀԿ-ն հրաժարի իր կողմէ անօրինական ճանապարհով ձեռքբերուած իշխանութենէն եւ երկրին մէջ տեղի ունենան նոր թափանցիկ ընտրութիւններ:

Բազմաթիւ ջաւախքահայեր ու թիֆլիսահայեր շարժման առաջին իսկ օրերէն միացած են իրենց հայաստանաբնակ ազգակիցներուն եւ իբրեւ մէկ ազգ ու ժողովուրդ առաջ մղելու այս համաժողովրդական շարժումը:

Մենք մեր ժողովուրդի անունով լիարժէք աջակցութիւն կը յայտնենք այս համաժողովրդական շարժման ու կոչ կ՝ընենք Հայաստանի հեռացող իշխանութիւններուն՝ վերջապէս ընդունելու հայ ժողովուրդի բացարձակ մեծամասնութեան կամքը:

Սամցխէ-Ջաւախքի Մետիա Վերլուծական կեդրոն

Ախալցխայի ժողովրդական խորհուրդ

Վրաստանի Հայ Գիտակներու Ակումբ

26.04.2018թ․

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS