Սերժ Թանգեան Քաղաքական Ուժերուն Համագործակցելու Կոչ Ըրած է

serj-tankian_1

Ռոք-աստղ, System of a Down խումբի մեներգիչ Սերժ Թանգեան դարձեալ մեկնաբանած է Հայաստանի իրադարձութիւնները:

«Ժողովրդական շարժման ընդդիմադիր պլոքի եւ խորհրդարանի մէջ մեծամասնութիւն ունեցող Հանրապետական կուսակցութեան հետ համագործակցութիւնը աւարտած ՀՅԴ-ի միանալէն ետք` Ազգային ժողովը, ամենայն հաւանականութեամբ, բողոքի շարժման առաջնորդ Նիկոլ Փաշինեանը նշանակէ Հայաստանի վարչապետ եւ սահմանէ արտահերթ խորհրդարանական ընտրութիւններու ժամանակացոյցը»,- Facebook-ի իր էջին մէջ գրած է Սերժ Թանգեան:

Պարզ չէ, թէ որուն  նկատի ունի ան` ըսելով «ընդդիմադիր դաշինք», բայց ամենայն հաւանականութեամբ` խօսքը Գագիկ Ծառուկեանի «Բարգաւաճ Հայաստան» կուսակցութեան մասին է:

«Շարժումը ամրապնդուած է, եւ անոնք, որոնք կը ններկայացնեն անցեալը, այժմ կը մերժուին: Կարեւոր է, որ շարժումն ու կառավարութեան միւս հատուածները պահպանեն խաղաղութիւնը: Բոլորին համար նաեւ կարեւոր է` սկսիլ համագործակցելու, որպէսզի երկրի բնականոն գործունէութիւնը չտուժէ: Ատիկա կը նշանակէ մէկ կողմ դնել քաղաքական տարբերութիւններն ու անձնական հակամարտութիւնները եւ ընել լաւագոյնը ժողովուրդին համար: Խօսափիլ վրեժակռիւներէն եւ ապահովել իշխանութեան սահուն փոխանցումը: Վարչապետի պաշտօնակատար Կարէն Կարապետեանը պէտք է ցոյց տայ ատիկա ընելու իր պատրաստակամութիւնը, եւ Փաշինեանը պէտք է օգտուի ատկէ»,- ըսած է Թանգեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS