ՀՅԴ Գերագոյն Մարմնի Յայտարարութիւնը

ՀՅԴԺողովրդային շարժման արդիւնքով Հայաստանի մէջ ստեղծուած է իրավիճակ մը, որ արդէն օրեր շարունակ լարուածութեան մէջ կը պահէ ողջ հասարակութիւնը:

Բարեբախտաբար, մինչեւ այս պահը հնարաւոր եղած է խուսափիլ իրավիճակի հանգուցալուծման վատթարագոյն տարբերակներէն: Անցնող օրերու ընթացքին ՀՅ Դաշնակցութիւնը հետեւողական ջանքեր գործադրած է համախոհութեան ձեւաւորման, երկխօսութեան միջոցով երկրի ու ժողովուրդի շահերէն բխող ընդունելի եւ ողջամիտ լուծում գտնելու ուղղութեամբ:

Սակայն այսպէս երկար չի կրնար շարունակուիլ: Կրնան յառաջանալ լուրջ մարտահրաւէրներ: Համոզուած ենք, որ ստեղծուած իրավիճակը պէտք է հանգուցալուծուի բացառապէս սահմանադրականութեան եւ օրէնքներու շրջանակի մէջ:

Հաշուի առնելով առկայ իրավիճակը` կը յայտարարենք քաղաքական դաշինքի մեր մասնակցութեան դադարեցման մասին:

Առ այդ, Ազգային ժողովը պէտք է ընտրէ ժողովուրդին վստահութիւնը վայելող վարչապետ, որուն ձեւաւորած կառավարութեան մշակած` պետութեան ներքին եւ արտաքին քաղաքականութիւնը ներառող ծրագիրը պէտք է նպատակ հետապնդէ`

ա) լիցքաթափել ներքաղաքական լարուածութիւնը,

բ) յաղթահարել քաղաքական ճգնաժամը,

գ) յստակ առաջնահերթութիւններ նախանշելով երաշխաւորել կուտակուած խնդիրներու լուծումը,

դ) լիարժէք ժողովրդավարական պայմաններու ապահովմամբ նախապատրաստել եւ իրականացնել արտահերթ խորհրդարանական ընտրութիւններ:

25 Ապրիլ 2018թ.

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS