«Բարգաւաճ Հայաստան, «Ժառանգութիւն» Եւ «Օրինաց Երկիր» Կուսակցութիւնները Կը Միանան Փաշինեանի Շարժումին

785F2E67-B5AC-4372-979F-1DDF1A490CB9_w1023_r1_s

Նիկոլ Փաշինեանի ղեկավարած համաժողովրդային շարժման միանալու մասին այսօր յայտարարութիւն տարածած են «Բարգաւաճ Հայաստան»,  «Ժառանգութիւն» եւ «Օրինաց Երկիր» կուսակցութիւնները:

«Բարգաւաճ Հայաստան» կուսակցութեան քաղաքական խորհուրդը այսօր հանդէս եկած է յայտարարութեամբ, որ կը վկայէ, թէ կուսակցութեան նախագահ Գագիկ Ծառուկեան կը միանայ Նիկոլ Փաշինեանի նախաձեռնած շարժումին:

«Հաշուի առնելով այն, որ «Բարգաւաճ Հայաստան» կուսակցութիւնը` նախագահ Գագիկ Ծառուկեանի գլխաւորութեամբ յայտարարած էր, որ կը միանայ համաժողովրդական ընդվզումի ալիքին եւ կանգնած է ժողովուրդի կողքին, կոչ կ՛ընենք մեր բոլոր կուսակիցներուն հանրապետութեան բոլոր մարզերու եւ մայրաքաղաք Երեւանի մէջ զօրաշարժուիլ եւ դուրս գալ փողոց, ըլլալ ժողովուրդի կողքին: Մենք միշտ եղած ենք եւ պիտի ըլլանք մեր ազգի եւ հայրենակիցներու կողքին», – ըսուած է յայտարարութեան մէջ:

«Ժառանգութիւն» կուսակցութիւնը յայտարարած է, որ «մեր քաղաքացիներն ի սկզբանէ պայքարած են ոչ միայն Սերժ Սարգսեանի, այլ նաեւ գործող իշխանութեան եւ համակարգի դէմ»:

«Մենք եւս մէկ անգամ կը վերահաստատենք, որ ինչպէս եղած ենք շարժման ակունքներուն, այնպէս ալ պիտի ըլլանք պայքարի մասնակից այնքան ժամանակ, քանի դեռ իշխանութիւնը ամբողջովին չի վերադարձուած ժողովուրդին»,- նշած են կուսակցութենէն:

«Ժառանգութիւն»-ը կոչ ըրած է բոլոր կուսակցականներուն ու համակիրներուն` «շարունակել պայքարը եւ աշխոյժ մասնակցութեամբ նպաստել մեր քաղաքացիներու խաղաղ անհնազանդութեան ցոյցերուն` սկսած արդար գործը յաղթական աւարտին հասցնելու համար»:

«Օրինաց երկիր» կուսակցութիւնը նոյնպէս այսօր կոչ ըրած է «աաղաքացիներուն իրենց աշխոյժ եւ խաղաղ մասնակցութիւնը ունենալ համաժողովրդական շարժման` զայն հասցնելով իր տրամաբանական աւարտին»:

««Օրինաց երկիր» կուսակցութիւնը, որ արդէն մէկ շաբաթէ ի վեր աշխոյժ մասնակցութիւնը կը ցուցաբերէ համաժողովրդական ընդվզումին եւ ամենօրեայ կարգով հնչեցուած քաղաքական յայտարարութիւններով իր զօրակցութիւնն ու քաղաքական աջակցութիւնը ցուցաբերած է խաղաղ քաղաքացիական անհնազանդութեան` որպէս հանգուցալուծում առաջարկելով արտահերթ խորհրդարանական ընտրութիւններու իրականացումը, կոչ կ՛ընէ այսօրուան իշխանութիւններուն, հաշուի առնելով երկրին մէջ ստեղծուած նոր քաղաքական իրողութիւնները, ցուցաբերել խոհեմութիւն եւ ընդառաջ երթալ համաժողովրդական շարժման առաջարկներուն եւ շուտափոյթ հանգուցալուծում տալ ստեղծուած իրավիճակին` յանուն Հայաստանի Հանրապետութեան եւ անոր ժողովուրդի անվտանգութեան»,- ըսուած է յայտարարութեան մէջ:

ՕԵԿ-ը իրաւապահներէն կը պահանջէ  զերծ մնալ ցուցարարներու եւ շարժման մասնակիցներու նկատմամբ ուժի հնարաւոր կիրառման որեւէ դրսեւորումէ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS