Germania Օդանաւային Ընկերութիւնը Հայկական Շուկայ Կը Մտնէ

germania

Գերմանական Germania օդանաւային ընկերութիւնը Հայաստանի Հանրապետութեան կառավարութեան առընթեր քաղաքացիական չուերթներու գլխաւոր վարչութիւն դիմում ներկայացուցած է Պեռլին-Երեւան-Պեռլին երթուղով կանոնաւոր չուերթներ իրականացնելու համար: Այս մասին կը տեղեկացնէ ՀՀ ԿԱ քաղաքացիական չուերթներու գլխաւոր վարչութեան մամուլի ծառայութիւնը:

Հայաստանի եւ Գերմանիոյ միջեւ ուղիղ օդային կապ հաստատելու շուրջ քննարկումները սկսուած էին 2016 թուականի ամրան, երբ Գլխաւոր վարչութեան պետ Սերգէյ Աւետիսեան հանդիպած էր Germania օդանաւային ընկերութեան եկամուտներու կառավարման եւ երթուղիներու ցանցի զարգացման տնօրէն Քլաուս Ալետենպուրկին եւ ընկերութեան վաճառքի կառավարող Ֆլորիան Ստահլին:

Պեռլին-Երեւան-Պեռլին երթուղով չուերթներու մեկնարկը կը տրուի Յունիս 16-ին: Չուերթները կ’իրականացուին շաբաթական մէկ անգամ յաճախականութեամբ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS