Հայոց Ցեղասպանութեան 103-րդ Տարելիցին Ձեռնարկներ Կազմակերպուած են Լոնտոնի Մէջ

931212

Հայոց Ցեղասպանութեան 103-րդ տարելիցին նուիրուած ձեռնարկներու ծիրէն ներս բրիտանահայ համայնքին կողմէ Ապրիլ 21-ին աւանդական երթ կազմակերպուեցաւ Լոնտոնի կեդրոնին մէջ: Այս մասին կը տեղեկացնէ ՀՀ արտաքին գործոց նախարարութեան մամուլի, տեղեկատուութեան եւ հասարակայնութեան հետ կապի վարչութիւնը:

Բազմամարդ երթի մասնակցիները Հայտ Փարքի անկիւնէն Փիքատիլի փողոցով ուղեւորուեցան դէպի «Ուայթհոլ» կառավարական շրջանին մէջ տեղակայուած «Փառապանծ զոհեր»ու յուշարձան, ուր ՀՀ դեսպանութեան ներկայացուցիչները, Հայաստանեայց առաքելական Սրբ․ եկեղեցւոյ Մեծ Բրիտանիոյ թեմի առաջնորդը, հայ համայնքային կառոյցներու ղեկավարութիւնը եւ ներկայացուցիչները ծաղկեպսակներ տեղադրեցին ի յիշատակ Հայոց ցեղասպանութեան զոհերուն:

Ապրիլ 23-ին Լոնտոնի Սուրբ Եղիշէ եկեղեցւոյ սրահին մէջ տեղի ունեցաւ Հայոց Ցեղասպանութեան զոհերու յիշատակին նուիրուած ձեռնարկ, որ կազմակերպուած էր Միացեալ Թագաւորութեան մէջ Հայ համայնքային խորհուրդի կողմէն` Անգլիոյ մէջ ՀՀ դեսպանութեան եւ Հայաստանեայց առաքելական եկեղեցւոյ ՄԹ թեմի հովանաւորութեամբ:

Երեկոյի ընթացքին ներկաներուն ուղղուած իր խօսքին ՀՀ գործոց ժամանակաւոր հաւատարմատար Արմէն Լիլոյեան շեշտեց ուժեղ Հայրենիքի կերտման կարեւորութիւնը Հայոց Ցեղասպանութեան միջազգային ճանաչման ու դատապարտման գործընթացի ծիրէն ներս:

Տարբեր ներկայացումներով եւ ստեղծագործութիւններու կատարմամբ հանդէս եկան Լոնտոնի շաբաթօրեայ եւ Գէորգ Թահթայ կիրակնօրեայ դպրոցներու սաները: Երաժշտական ստեծագործութիւններու կատարմամբ հանդէս եկաւ երգչուհի Անայիս Հեղոյեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS