Պատգամաւորները Ազատ Արձակուեցան

nikol-azat

«Ելք» խմբակցութեան պատգամաւորներ, «Քաղաքացիական պայմանագիր» կուսակցութեան անդամներ Նիկոլ Փաշինեանը, Սասուն Միքայէլեանն ու Արարատ Միրզոյեանը դուրս եկան Ձերբակալուածներու պահման վայրէն: Անոնց այստեղ կը սպասէին «Ելք» խմբակցութեան պատգամաւորներ Մանէ Թանդիլեանը, Գէորգ Գորգիսեանը, դաշինքի ներկայացուցիչներ, փաստաբաններ:

«Մեր շարժման ձերբակալուած բոլոր անդամները պէտք է րոպէ առաջ դուրս գան»,- ըսած է Փաշինեան:

Հարցին, թէ ինչ խօսած են առաջին փոխվարչապետ Կարէն Կարապետեանի հետ, Փաշինեան պատասխանած է, որ այդ մասին պիտի խօսի երեկոյեան, հանրահաւաքի ժամանակ:

Նշենք, որ քիչ առաջ Փաշինեանի հետ հանդիպած է ՀՀ առաջին փոխվարչապետ Կարէն Կարապետեանը: Ան յայտարարած էր, որ դիմած է ՀՀ գլխաւոր դատախազին, որպէսզի վերջինս ետ վերցնէ պատգամաւորներուն անձեռնմխելիութենէ զրկելու միջնորդութիւնը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS