ՀՅԴ-ն Կ’ողջունէ Անյապաղ Երկխօսութիւն եւ Բանակցութիւններ Սկսելու Վերաբերեալ ՀՀ Վարչապետի Կոչը

ՀՅԴ

ՀՅԴ Հայաստանի Գերագոյն մարմինը յայտարարութիւն տարածած է Հայաստանի ստեղծուած իրավիճակի կապակցութեամբ եւ ողջունած ՀՀ վարչապետ Սերժ Սարգսեանի երկխօսութեան կոչը: Այս մասին կը յայտնէ ՀՅԴ Հայաստանի Գերագոյն մարմինը, յայտարարութեան մէջ ըսուած է.

«Կ’ողջունենք ՀՀ վարչապետի կոչը՝ անյապաղ երկխօսութիւն եւ բանակցութիւններ սկսելու վերաբերեալ. անիկա Դաշնակցութեան առաջադրած ճանապարհին համահունչ է: Այս ճանապարհը պիտի կանխէ Հայաստանի մէջ ծաւալուած յետագայ սրացումները, որոնք կրնան ծանր հետեւանքներու յանգեցնել մեր ժողովուրդի եւ պետութեան համար: Քաղաքական ողջամտութիւնն ու երկխօսութիւնը այն դուռն են, որ ժողովուրդի դժգոհութեան ու երկրի առջեւ ծառացած բազմաթիւ հիմնախնդիրներու լուծման համար կրնան իրական ճանապարհ հարՀամատեղ քաղաքական քննարկումներու արդիւնքով հնարաւոր է ժողովուրդի հրապարակ դուրս ելլելու խորքային եւ հիմնական պատճառները լուծել առաւել անվտանգ ու անցնցում ճանապարհով: Այս հեռանկարը մենք իրական կը համարենք: Պահը զգայուն է եւ լի բազմաթիւ ներքին եւ արտաքին վտանգներով ու ռիսքերով. խոհեմութիւնը կը թելադրէ բանակցիլ՝ առանց վերջնագրերու ու նախապայմաններու եւ համախոհութեամբ առաջ բերել իրական, յստակ եւ ժամկէտներով ամրագրուած քաղաքական օրակարգ, որ կը բխի մեր ժողովուրդի եւ պետութեան շահերէն, դուռ կը բանայ իրական եւ արագ տեսանելի փոփոխութիւններու համար»:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS