Ամենայն Հայոց Կաթողիկոսը Վաւերացուց Գերմանիոյ Հայոց Թեմի Առաջնորդի Ընտրութիւնը

Hayr-Serovpe

Ապրիլ 19-ին Ն.Ս.Օ.Տ.Տ. Գարեգին Բ. Ծայրագոյն Պատրիարք եւ Ամենայն Հայոց Կաթողիկոսը Հայրապետական իր օրհնութիւնն ու շնորհաւորանքը յղած է Հոգեշնորհ Տ. Սերովբէ վարդապետ Իսախանեանին` Գերմանիոյ հայոց թեմի առաջնորդ ընտրուելու կապակցութեամբ:

Ընտրութիւնը տեղի ունեցած է Քէօլնի մէջ Ապրիլ 15-ին` Թեմական-պատգամաւորական ժողովի ընթացքին:

Վաւերացնելով Սերովբէ վարդապետի ընտրութիւնը` Ամենայն Հայոց Կաթողիկոսը մաղթած է, որ Տէրը զօրակից ըլլայ նորընտիր առաջնորդին` նախանձախնդիր ծառայութեամբ արդիւնաւորելու անոր վստահուած բարձր ու պատասխանատու առաքելութիւնը ի խնդիր Գերմանիոյ հայոց թեմի ազգային ու հոգեւոր կեանքի զօրացման եւ Հայոց Եկեղեցւոյ պայծառութեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS