Ին՞չ Կ’ակընկալէ Կարէն Կարապետեանը իր Գործընկերներէն

Garen

ՀՀ առաջին փոխվարչապետ Կարէն Կարապետեանի մօտ կառավարութեան տնտեսական հատուածը համակարգող գերատեսչութիւններու ղեկավարներու մասնակցութեամբ տեղի ունեցած է խորհրդակցութիւն: Հանդիպման ընթացքին քննարկուած են կառավարութեան տնտեսական քաղաքականութեան ու յառաջիկայ ծրագրերուն առնչուող հարցեր:

«Գործառոյթներու բաժանումը կատարած ենք հետեւեալ կերպ. ես պատասխանատու պիտի ըլլամ տնտեսական հատուածի եւ տարածքային կառավարման համար: Համապատասխանաբար, աշխատակազմի մէջ մենք որոշակի փոփոխութիւններ պիտի կատարենք, կը ճշգրտենք վարչութիւններու  խնդիրներն ու  գործառոյթները, եւ շատ ամուր, շատ հասցէական պէտք է աշխատինք: Ին՞չ կ’ակընկալեմ գործընկերներէն. ամէն մէկը իր մասով կը վերանայի, կը վերանայի այս տարուան ծրագիրը: Երեք ամսուան տուեալներով, որոնք պիտի հրապարակուին շուտով, բաւականին լաւ թափ հաւաքած ենք եւ պէտք է այդպէս շարունակենք: Բոլոր ծրագիրները մեզի համար կարեւոր են», – ըսած է Կ.Կարապետեանը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS