Երեւանի Կեդրոնի Երթեւեկութիւնը Արգելափակուած է (լուսանկարներ)

4a0a7913

Այսօր առաւօտեան շատ կանուխ ժամերէ սկսեալ Երեւանի փողոցները արգելափակուած են։ Նախօրէին Քաղաքացիական պայմանագիր կուսակցութեան ղեկավար Նիկոլ Փաշինեանը կոչ ըրած էր Ապրիլ 16-ի վաղ առաւօտեան սկսելու քաղաքացիական անհնազանդութեան ցոյցեր՝ արգելափակելով Երեւանի փողոցները, կամուրջները, մեթրոն։ Այս մասին կը հաղորդէ Civilnet.am-ը։

Երեւանի կեդրոնական հատուածներուն վրայ ներկայիս արգելափակուած են հիմնական փողոցները՝ Բաղրամեան, Մաշտոց, Սայաթ-Նովա, Թումանեան, Մոսկովեան, Տէրեան, Իսահակեան եւ այլն։

Քաղաքացիները, նստելով փողոցի մէջտեղը, չեն ձգեր, որ երթեւեկութիւնը շարունակուի։

Երեւանի քաղաքապետարանը հաղորդած է, որ գնացքները կանգառ պիտի չկատարեն Բաղրամեան պողոտայով։

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS