Ցեղասպանութեան Յուշարձանը Բացասականօրէն Պիտի Ազդէ Թուրք-զուիցերիական Յարաբերութիւններու Վրայ

thumbs_b_c_74926de80d67f706ad3ebb9b8a2b27c3_1

Զուիցերիոյ Ժընեւ քաղաքին մէջ Հայոց Ցեղասպանութեան զոհերու յիշատակին նուիրուած յուշարձանի բացման՝ Թուրքիոյ արտաքին գործոց նախարարութենէն բացի արձագանգած է նաեւ Ժընեւի մէջ Թուրքիոյ հիւպատոս Մեհմեթ Սաիթ Ույանըքը։ Այս մասին կը հաղորդէ Ermenihaber.am-ը։

Ապրիլ 13-ին տեղի ունեցած  յուշարձանի բացման արարողութեան ներկայ եղած էին Ժընեւի քաղաքապետը, բարձրաստիճան այլ պաշտօնեաներ, որոնց թրքական աղբիւրը «Քիւրտիստանի բանուորական կուսակցութեան» (ՔԲԿ-PKK) կողմնակիցներ կ՝անուանէ։ Նշեալ կուսակցութիւնը Անգարայի կողմէ կը համարուի ահաբեկչական կազմակերպութիւն:

Թուրք հիւպատոսը նշած է, որ այդ յուշարձանը ոչ միայն բացասականօրէն պիտի անդրադառնայ թուրք-զուիցերիական յարաբերութիւններուն վրայ, այլեւ աւելի պիտի վատացնէ Զուիցերիոյ մէջ ապրող թրքական եւ հայկական համայնքներու յարաբերութիւնները։

«Թրեմպլէյ զբօսայգիին մէջ բացուած յուշահամալիրը բացասական ազդեցութիւն պիտի ունենայ թուրք-զուիցերիական յարաբերութիւններուն վրայ: Ատիկա ոչ բարեացակամ եւ չհաշուարկուած քայլ է»,- ըսած է թուրք հիւպատոսը:

Վերջինս Հայոց Ցեղասպանութեան վերաբերեալ ներկայացնելով թրքական աւանդական ժխտողականութիւնը, հայերը մեղադրած է, որ «միակողմանի» կը նային պատմութեան։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS