ՀՀ-ի Խորհրդարանական Համակարգը Թոյլ Պիտի Տայ Աւելի Արագ Քայլերով Զարգացնել Երկրի Տնտեսութիւնը. Սերժ Սարգսեան

serj

Հայաստանի Հանրապետութեան մէջ կառավարման խորհրդարանական համակարգի անցումը թոյլ պիտի տայ իրականացնելու ժողովրդավարական վերափոխումներ եւ աւելի արագ քայլերով զարգացնելու Հայաստանի տնտեսութիւնը:

Այս մասին, ըստ Artsakhpress.am-ի, ռուսական «Իզվեսթիա»-ի հետ զրոյցի մը ընթացքին, ըսած է ՀՀ երրորդ նախագահ, Հայաստանի հանրապետական կուսակցութեան վարչապետի թեկնածու Սերժ Սարգսեան:

«Իրականութեան մէջ մենք արդէն քանի մը օր է՝ կ՝ապրինք խորհրդարանական հանրապետութեան մէջ: Վաղը պատգամաւորները պիտի ընտրեն վարչապետ: Այդպիսով, պիտի ձեւաւորուին երկրի կառավարման բոլոր հիմնական օրգանները: Հայաստանի մէջ սահմանադրական փոփոխութիւնները սկսան 2005-ին (2005-ին իրականացած հանրաքուէով ներդրուեցան զսպումներու եւ հակակշիռներու մեքենականութիւններ, նշանակալիօրէն կրճատուեցան Նախագահի լիազօրութիւնները, իսկ Ազգային ժողովի դերը ընդլայնուեցաւ- խմբ.): 2007-էն անոնք օրինական ուժի մէջ մտան:

Երկար ժամանակ աշխատելով պետական կառավարման բարձր պաշտօններու մէջ, ներառեալ եւ վարչապետի ու նախագահի պաշտօններուն վրայ, մենք, գործընկերներուս հետ, եկանք այն եզրակացութեան, որ կիսանախագահական կառավարման ձեւաչափը կ՝ընդգրկէ մեծ սպառնալիքներ, քանի որ հաւասարակշռուած չէ»,- նշած է Սերժ Սարգսեան: Ան ընդգծած է, որ եղած էր այնպէս, որ նախագահը մեծ պատասխանատւութիւն կը կրէր երկրի ներքին եւ արտաքին քաղաքականութեան, անվտանգութեան ապահովման հարցերու մէջ, սակայն չունէր համապատասխան լիազօրութիւններ, որպէսզի կեանքի կոչեր սահմանադրութեամբ նախատեսուած պարտականութիւնները:

«Վերադարձը կառավարման նախագահական համակարգի դրականօրէն չէր ընկալուեր մեր հասարակութեան մէջ: Չէ որ 2008-ի նախագահի ընտրութիւնները անցան ոչ հարթ: Գրեթէ բոլոր քաղաքական ուժերը կը պահանջէին փոխել կառավարման համակարգը խորհրդարանականի: Պատասխանելով նման ցանկութիւններուն՝ մենք որոշեցինք հաւասարակշռել երկրի քաղաքական կառուցուածքը, որ այժմ ուշադրութիւն կը գրաւէ խորհրդարանի ուժեղ օրէնսդրական իշխանութեամբ, որուն դիմաց կառավարութիւնը լիարժէք պատասխանատւութիւն կը կրէ: Կը կարծեմ, որ կառավարման նման ձեւը աւելի կը համապատասխանէ հայկական իրականութեան, մեր ժողովուրդի մտայնութեան: Ատիկա թոյլ պիտի տայ իրականացնելու ժողովրդավարական վերափոխումներ եւ աւելի արագ քայլերով զարգացնելու Հայաստանի տնտեսութիւնը»,- ըսած է Սարգսեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS