Վրաստանի Խորհրդարանին Դիմաց Կայացած է Ցեղասպանութեան Վերաբերեալ Արխիւային Նիւթերու Ցուցահանդէս (տեսանիւթ)

16042018a-750x367

Թիֆլիսիի մէջ, Ապրիլ 15-ին, 1915-23թթ․ հայ ժողովուրդի Ցեղասպանութեան 103-րդ տարելիցին նուիրուած ձեռնարկներու ծրագիրին ծիրէն ներս՝ Վրաստանի Խորհրդարանի շէնքին դիմաց կայացաւ արխիւային նիւթերու-նկարներու ցուցահանդէս։

«Վրաստանի Հայ Համայնք»-ին կողմէ կազմակերպուած ցուցահանդէսին ընթացքին՝ վրաց հասարակութեան ներկայացուեցան փաստագրական նկարներ, որոնց վրայ արտացոլուած էին հայ ժողովուրդի Ցեղասպանութեան իրադարձութիւնները։

Ցուցահանդէսի իրականացման վայրը պատահականօրէն ընտրուած չէր։ Տասնամեակներ շարունակ «Վրաստանի Հայ Համայնքը» կը դիմէ երկրի իշխանութեան՝ 1915-23թթ․ Ցեղապանութեան փաստը դատապարտելու կոչով։ Մինչդեռ, Վրաստանի քաղաքացիներուն դիմումը Խորհրդարանին եւ Կառավարութեան մինչ օրս կը մնայ անպատասխան։

1915-23թթ․ Ցեղասպանութեան փաստը դատապարտուած է բազմաթիւ քաղաքակիրթ երկիրներու եւ միջազգային կազմակերպութիւններու կողմէ։ 2015-ին Եւրոխորհուրդը ընդունած է հերթական յատուկ բանաձեւ, ուր կոչ կ՝ընէ նաեւ եւրոպական երկիրներու Խորհրդարաններուն՝ դատապարտելու 1915-23թթ. ցեղասպանութեան փաստը։

armenian-community.ge

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS