Ալիեւի Ստացած Ձայներու Կէսէն Աւելին Պէտք է Անվաւեր Ճանչնալ. ԵԱՀԿ Զեկոյց

f5ad0681bafad8_5ad0681bafb15

Եւրոպայի մէջ անվտանգութեան եւ համագործակցութեան կազմակերպութեան Ժողովրդավարական հաստատութիւններու եւ մարդու իրաւունքներու գրասենեակը (ԵԱՀԿ/ԺՀՄԻԳ) ներկայացուցած է Ապրիլ 11-ին Ատրպէյճանի մէջ տեղի ունեցած նախագահական ընտրութիւններուն վերաբերեալ դիտորդական առաքելութեան զեկոյցը: Այս մասին կը հաղորդէ Ermenihaber.am-ը։

Զեկոյցին մէջ արձանագրուած է, որ հարեւան երկրին մէջ ընտրութիւնները ուղեկցուած են լուրջ խախտումներով՝ մասնաւորապէս քուէատուփերը նախապէս լեցնելով, զանգուածային կերպով քուէաթերթիկներ աւելցնելով, ընտրական կանոնակարգի անտեսումով եւ այլն: Դիտորդներու գնահատականով՝ նախագահ ընտրուած Ալիեւի ստացած ձայներուն կէսէն աւելին պէտք է անվաւեր ճանչնալ:

«Ընտրութիւնները անցած են թեկնածուներու միջեւ իրական մրցակցութեան բացակայութեան մթնոլորտի մէջ, ուղեկցուած են քաղաքական սահմանափակումներով, մարդու հիմնարար իրաւունքներն ու ազատութիւնները խախտող իրաւական կարգաւորումներով»,- ըսուած է զեկոյցին մէջ:

Նշենք, որ Ապրիլ 11-ին, Ատրպէյճանի նախագահական ընտրութիւններուն ձայներու մեծամասնութեամբ յաղթած է «Նոր Ատրպէյճան» իշխող կուսակցութեան ղեկավար, գործող նախագահ Իլհամ Ալիեւը՝ 86,09% ձայներով:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS