Թուրքիոյ Մարտին Նահանգի Հայկական Եկեղեցին Մնացած է Մահմետական Կնոջ Խնամքին Տակ (լուսանկարներ)

mardin-st. kevork

Թուրքիոյ հարաւարեւելեան Մարտին նահանգի Տերիք շրջանի միակ հայկական եկեղեցին մնացած է հարեւանութեամբ ապրող Հաթուն Չաչուր անունով իսլամ կնոջ մը (ազգութեամբ քիւրտ-խմբ.) խնամքին, կը հաղորդէ «Էրմէնիհապեր»-ը:

1650 թուականին կառուցուած Սուրբ Գէորգ եկեղեցին մնացած է առանց հoտի, երբ 1980-ականներուն հեռացած են Տերիքի մէջ ապրող վերջին հայերը: Անցեալ տասնամեակներուն եկեղեցւոյ մասին հոգ տարած է այստեղ մնացած միակ հայկական ընտանիքը` Եուրշալին եւ Նայիֆ Տէմիրջի զոյգը: Բայց հիմա արդէն այդ տարեց զոյգը վատառողջութեան պատճառով կը դժուարանայ տունէն ելլելու` չկարենալով հոգալ եկեղեցւոյ մասին:

Այժմ մահմեդական կինը ստանձնած է հայկական եկեղեցւոյ խնամքը: Ան նոյնպէս տարեց է եւ 8 երեխաներու մայր: Ան իր մօտ կը պահէ եկեղեցւոյ բանալին, կը մաքրէ եկեղեցին եւ բակը, կը ջրէ 1500 ք/մ ընդհանուր մակերեսով այգիին ծառերը:

«Պետութիւնը ինծի որեւէ աշխատավարձ չի տար, ոչ մէկը կ՛օգնէ: Ես ալ տարիքով մեծ եմ, հիւանդ եմ, բայց չեմ ուզեր, որ այս եկեղեցին մնայ բախտի քմահաճոյքին»,- ըսած է Չաչուրը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS