Նալպանտեան Կարեւոր Համարած է Ֆրանսախօս Երկիրներու Գործարարներու Մշտական Գործող Ցանցին Ստեղծումը

nalbandian

Փարիզի մէջ, Մարտ 22-ին, տեղի ունեցաւ Ֆրանսախօս երկիրներու 17-րդ գագաթաժողովին ծիրէն ներս Հայաստանի մէջ Հոտկեմբեր 10-ին կայանալիք Ֆրանսախօս երկիրներու տնտեսական ժողովի նախապատրաստաման բարձր մակարդակի հանդիպումը, որուն մասնակցեցան Հայաստանի ԱԳ նախարար, Ֆրանսախօս երկիրներու նախարարական համաժողովի նախագահ Էդուարդ Նալպանտեանը, ՖՄԿ-ի մէջ նախագահող Մատակասքարի արտաքին գործոց նախարար Անրի Ռապարի-Նձական, Ֆրանսախօս երկիրներու գլխաւոր քարտուղար Միքայէլ Ժանը, Ֆրանսայի ձեռնարկութիւններու շարժման (MEDEF) ղեկավար Փիեռ Կադազը: Այս մասին կը տեղեկացնեն ՀՀ արտաքին գործոց նախարարութեան մամուլի, տեղեկատւութեան եւ հասարակայնութեան հետ կապի վարչութենէն:

Ներկայացնելով տնտեսական ժողովի իրականացման Հայաստանի նախաձեռնութիւնը` Էդուարդ Նալպանտեան նշեց, որ հիմնական նպատակն է ֆրանսախօս երկիրներու գործարարներու մշտական գործող ցանցին ստեղծումը: Հայաստանի ԱԳ նախարարին բնորոշումով ստեղծուելիք այդ ցանցին առաքելութիւնն է դառնալ ֆրանսախօս երկիրներու տարածքի ձեռնարկատէրերու, գործարարներու եւ զանոնք միաւորող կազմակերպութիւններու միջեւ հիմնարկային, մասնագիտական կապերու հաստատումը եւ զարգացումը, ձեռնարկատիրութեան համար նպաստաւոր պայմաններու խթանումը, փոխադարձ ներդրումներու խրախուսումը` միտուած Ֆրանսախօս երկիրներու տնտեսական զարգացման: Էդուարդ Նալպանտեան աւելցուց, որ կը ծրագրուի ցանցի թուային հարթակին ձեւաւորումը` իբրեւ շահաւէտ փոխանակումներու եւ դրական փորձառութեան ընդօրինակման շրջանակ:

Հայաստանի արտաքին քաղաքական գերատեսչութեան ղեկավարը՝ իբրեւ նիստի քննարկման թեմաներ առանձնացուց կայուն զարգացման ապահովման միտուած ենթակառուցուածքային ծրագիրներու իրականացումը, ուժանիւթի` ներառեալ վերականգնուող ուժանիւթի, հաղորդակցութեան եւ փոխադրամիջոցային ուղիներու, ջրային միջոցներու կառավարման կատարելագործումը, գիւղատնտեստութեան եւ սնունդի արտադրութեան արդիւնաւէտութեան բարձրացումը, թուային ու բարձր գիտարուեստներու բնագաւառին մէջ փոխգործակցութեան խթանումը, կանանց եւ երիտասարդներու ձեռնարկատիրական գործունէութեան առաջմղումը եւ մասնագիտական կրթութեան խրախուսումը:

ԱԳՆ ղեկավարը նշեց, որ նիստին մասնակցելու պիտի հրաւիրուին միջազգային եւ տարածաշրջնային տնտեսական կառոյցներու ղեկավարներ, սահմանափակ թիւով անուանի գործարարներ` ողջ ֆրանսախօս երկիրներու աշխարհէն: Նախարար Նալպանտեանը հանդիպման մասնակիցներուն տեղեկացուց, որ տնտեսական ժողովը կը նախատեսուի իրականացնել Հայաստանի գեղատեսիլ վայրերէն մէկուն` Ծաղկաձորի մէջ: Հայաստանի ԱԳ նախարարը նշեց, որ Ֆորումի մասնակից գործարարները պիտի հրաւիրուին Հոկտեմբեր 11-ին Ֆրանսախօս երկիրներու գագաթնաժողովի հանդիսաւոր բացման արարողութեան:

Հանդիպման մասնակիցները հաւանութեան արժանացուցին ֆրանսախօս երկիրներու տնտեսական ժողով կազմակերպելու վերաբերեալ Հայաստանի նախաձեռնութիւնը եւ անոր հետ կապուած առաջարկները` պատրաստակամութիւն յայտնելով ամենայն աջակցութիւն ցուցաբերելու ինչպէս նիստի իրականացման, այնպէս ալ ֆրանսախօս երկիրներու գործարարներու ցանց ստեղծելու աշխատանքներուն մէջ:

 

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS