Ամերիկեան Խաղաղութեան Ջոկատի 26-րդ Խումբը կը Ժամանէ Հայաստան

0323peacecorps

Չորեքշաբթի, 21 Մարտի երեկոյեան, Հայաստան ժամանեց Ամերիկայի Միացեալ Նահանգներու խաղաղութեան ջոկատի կամաւորներու 26-րդ խումբը:

Ըստ «Ասպարէզ»-ի՝ խումբը բաղկացած է 42 ամերիկացի կամաւորներէ: Ներկայիս Հայաստանի մէջ կ՛ապրին ու կ՛աշխատին 74 կամաւորներ: 42 նորեկները պիտի միանան անոնց: Կամաւորները Հայաստան ժամանած են երկու տարի ժամկէտով՝ Հայաստանի տարբեր մարզերու գիւղերու եւ քաղաքներու մէջ իբրեւ անգլերէնի ուսուցիչներ եւ հասարակական կազմակերպութիւններու մէջ աշխատողներ:

Հայաստան ժամանելէ առաջ, կամաւորները սորված են հայոց այբուբենը եւ հաղորդակցելու համար անհրաժեշտ որոշ տարրական բառեր եւ արտայայտութիւններ:

Խաղաղութեան ջոկատը Հայաստանի մէջ կը գործէ 1992-էն ի վեր՝ Հայաստանի կառավարութեան հրաւէրով: Մինչ այսօր Հայաստանի մէջ ծառայած են աւելի քան 1000 կամաւորներ:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS