Քուէյթի Մէջ ՀՀ Դեսպանութիւնը Մասնակցեցաւ ԳԱՐՆԱՆԱՅԻՆ 2-րդ ՄՇԱԿՈՒԹԱՅԻՆ Փառատօնին

29511990_1664848253591782_1376380504386459856_n

Քուէյթի քաղաքապետ Մուհամատ ալ Մհաննայի հովանաւորութեամբ եւ IWG-ի կազմակերպութեամբ AL-Shaheed զբօսայգիին մէջ տեղի ունեցաւ ԳԱՐՆԱՆԱՅԻՆ 2-րդ ՄՇԱԿՈՒԹԱՅԻՆ Փառատօնը:

Քուէյթի մէջ հաւատարմագրուած շուրջ քսան դեսպանատուներու հետ փառատօնին մասնակցեցաւ նաեւ Քուէյթի մէջ ՀՀ դեսպանութիւնը:

Տարբեր ազգերու մշակութային ժառանգութեան ներկայացման երկու ձեւաչափ որդեգրուած էր: «Խաղաղութեան շրջանակ» խորհրդանշական անունը ունեցող մարգագետնին վրայ տարբեր երկիրներ` գեղեցիկ ու զարդարուն հարեւանութեամբ կը ներկայացնէին իրենց մշակութային ժառանգութենէն պատառիկներ, իսկ բեմին վրայ իրարու կը յաջորդէին ազգային պարարուեստի կամ երգարուեստի նմուշները:

Մշակութային փառատօնին Հայաստանի տաղաւարին մէջ ներկայացուեցան հայ վարպետներու աշխատանքներ, ցուցադրուեցան կտաւներ Տիգրան Մատուլեանէն եւ Ռուբէն Աբովեանէն: Իսկ «Շաքէ» պարախումբի աղջիկները հանդիսատեսին հիացուցին Արա Գէորգեանի «Արցախ» պարի կատարումով:

«Սիրտս անթաքոյց ուրախութիւն կ՛ապրէր․Քուէյթի բաց երկինքին տակ, երկնաքերերու հայեացքին տակ կը հնչէ «Արցախ» երաժշտութիւնը, պաստառին` Հայաստանը հրաւիրող ընտիր տեսաերիզ է, մեր աղջիկներու նազանքը նմանը չունի, մեր տաղաւարին մէջ` ՀԱՅԱՍՏԱՆ ցուցանակի ներքոյ մեր անընդգրկելի քաղաքակրթական ժառանգութենէն աննշան, բայց որակեալ պատառիկ մը, ու տասնեակ դրօշներու կողքին մեր երկնուղեշ ԵՌԱԳՈՅՆՆ է:

«Խաղաղութիւնն ու սէրն այլընտրանք չունին․ Ասոնք էին բոլորին միացնող արժէքները», Քուէյթէն կը գրէ Լիլիթ Գալստեանը:

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS