Համեստ Նամակ ՀՀ Նախագահ Սերժ Սարգիսեանին

Khajag Mgrdichian

Խաժակ Մկրտիչեան


 

Այս նամակը կը գրեմ իբրեւ ազգի ու հայրենիքի խնդիրներով մտահոգ սովորական հայ մարդ, որ քաջատեղեակ է ու շատ մօտիկէն հետեւած է մեր նորագոյն պատմութեան մեծագոյն սխրագործութիւնը հանդիսացող Արցախի ազատագրական պայքարին եւ լաւապէս ծանօթ է ազգին ու հայրենիքին մատուցած Ժիրայր Սէֆիլեանի ծառայութեան ու նուիրումին:

Այստեղ կարիք չեմ զգար վերաշարադրելու Ժիրայր Սէֆիլեանի կենսագրութիւնն ու սխրագործութիւնը, Արցախեան ազատամարտի ընթացքին մահուան գնով հայրենիքի ու հայութեան ազատագրութեան դատին հանդէպ ցուցաբերած իր նուիրումը: Կարիք չեմ զգար նաեւ քննելու իրեն ուղղուած մեղադրանքներու իրաւական մանրամասնութիւնները, որովհետեւ Հայաստանի դատական համակարգը դեռ այն մակարդակին չէ որ արժանանայ մեր եւ ձեր վստահութեան: Պարզապէս կ’ուզեմ բարձրաձայնել այն մեծ ցաւը, որ կ’ապրինք շատ շատերս, տեսնելով, որ մեր ազգի մղած պայքարին իր հերոսական ներդրումը բերած մարտիկը այսօր տաս տարուայ ազատազրկման ենթակայ է: Ոչ այսօր եւ ոչ ալ վաղը, ոչ մէկը կը հաւատայ, որ Ժիրայր Սէֆիլեանը վտանգ է Հայաստանի համար, որովհետեւ հայրենիքին համար կեանքը նուիրելու պատրաստ մարտիկը երբեք այդպիսին չի կրնար ըլլալ:

Ձեզմէ առաջ, աւելի դաժան միջոցներով փորձեցին պատմութեան էջերէն ջնջել ազգի ու հայրենիքի նուիրեալներու անունները, բայց ձախողեցան: Այս նամակիս մտադրութիւնն ալ այն է, որ խնդրեմ, խորհուրդ տամ կամ պահանջեմ, որ ազատ արձակէք հայ մարտիկին:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS