Հենրիխ Մխիթարեան Ստացաւ Հայաստանի Լաւագոյն ֆութպոլիստի Մրցանակը

henrikh mkhitaryan

Լոնտոնի «Արսենալ»-ի կիսապաշտպան Հենրիխ Մխիթարեան Մարտ 22-ին ստացաւ Հայաստանի 2017 թուականի լաւագոյն ֆութպոլիստի մրցանակը: Արարողութիւնը տեղի ունեցաւ Աւանի ֆութպոլային ակադեմիայի մէջ, ուր Հայաստանի ազգային հաւաքականը հաւաք ունի այս օրերուն, կը փոխանցէ NEWS.am Sport-ի թղթակիցը:

Դեկտեմբերին Մխիթարեան 8-րդ անգամ եւ 7-րդ տարին անընդմէջ ճանչցուած էր Հայաստանի լաւագոյն ֆութպոլիստ: Երկրորդ տեղը գրաւած էր մակեդոնական «Վարդար»-ի յարձակող Տիգրան Բարսեղեան, իսկ ռուսական «Ուրալ»-ի պաշտպան Վարազդատ Հարոյեան եզրափակած էր եռեակը: Բարսեղեան եւ Հարոյեան եւս ստացան իրենց մրցանակները:

Յիշեցնենք, որ այս օրերուն Հենրիխ Մխիթարեան Հայաստանի հաւաքականի կազմին մէջ կը պատրաստուի էսթոնիոյ (Մարտ 24) եւ Լիթվանիոյ (Մարտ 27) դէմ Երեւանի մէջ կայանալիք ընկերական հանդիպումներուն:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS