Հայաստանի Հանրապետութեան հիմնադրման նուիրուած գիտաժողովը կայացաւ Օթթաուայի, Թորոնթոյի եւ Մոնթրէալի մէջ

Ot-1

Մարտ 13-15, Օթթաուայի, Մոնթրէալի եւ Թորոնթոյի մէջ կայացաւ Հայաստանի Հանրապետութեան հիմնադրման 100-ամեակին նուիրուած գիտաժողով մը՝ «Ցեղասպանութենէն պետականութիւն. 900 օրուան հանրապետութիւնը» թեմայով: Գիտաժողովը կազմակերպուած էր ՀՅԴ «Արմէն Գարօ» Ուսանողական միութեան կողմէ, համագործակցութեամբ՝ Գանատայի մէջ գործող զանազան հայ ուսանողական միութիւններու Այս մասին կը հաղորդէ “Հորիզոն”-ը։

Խորհրդաժողովի զեկուցաբերներն էին UCLA համալսարանի փրոֆեսոր եւ պատմաբան դոկտոր Ռիչըրտ Յովհաննիսեան, UCLA համալսարանի փրոֆեսոր, հեղինակ եւ գիտաշխատող դոկտոր Ռուբինա Փիրումեան եւ Ժընեւի Webster համալսարանի փրոֆեսոր եւ լրագրող դոկտոր Վիգէն Չըթըրեան:

Երեք խորհդաժողովներուն ներկայ գտնուեցան հայ եւ օտար աւելի քան 400 ուսանողներ, մտաւորականներ եւ ակադեմականներ։

Անդրադառնալով Հայաստանի Հանրապետութեան հիմնադրման պատմական կարեւորութեան, դոկտոր Ռիչըրտ Յովհաննիսեան յայտնեց. «1918-ին կերտուած Հանրապետութիւնը մեզի շնորհեց հայրենիքէն մասունք մը, այսօրուան մեր հիմնական մարտահրաւէրներէն մէկն է պահպանել այդ մասունքը եւ կերտել այնպիսի հայրենիք մը, ուր փափաքի ապրիլ ամէ՛ն հայ»:

tor

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS