Ֆրանսախօս Երկիրներու Զարգացումը Արցախի Առաջնահերթութիւններու Շարքին է

82839

Մարտ 21-ին, տեղի ունեցած է «Ղարաբաղ-Ֆրանսա» բարեկամութեան շրջանակին նիստը:

Արցախի Հանրապետութեան Ազգային ժողովի լրատւութեան եւ հանրութեան հետ կապերու բաժինին փոխանցած տեղեկութիւններով` Արցախի Հանրապետութեան Ազգային ժողովի նախագահ, բարեկամութեան շրջանակի ղեկավար Աշոտ Ղուլեան շնորհաւորած է ֆրանսախօս երկիրները միջազգային օրուան առիթով եւ նշած, որ ֆրանսերէն լեզուի ուսուցման, տարածման, հանրութեան աւելի լայն հատուածներուն հաղորդակից դարձնելու ծրագիրները իշխանութիւններուն համար առաջնահերթութիւններու շարքին են:

Խորհրդարանի ղեկավարը ընդգծած է, որ Ֆրանսայի հետ ապակեդրոնացուած համագործակցութեան ընդլայնումը լուրջ հեռանկարներ ունի եւ առկայ միջոցները թոյլ կու տան մարդասիրական ու մշակութային ոլորտներուն զուգահեռ փորձի փոխանակում կատարելու նաեւ տնտեսութեան եւ տեղական ինքնակառավարման բնագաւառներուն մէջ: Իբրեւ յաջողած օրինակ՝ նշուած է վերջերս Պուք Պէլ Էր քաղաքի պատուիրակութեան այցը եւ քոյր քաղաք Ասկերանի հետ կապերու խորացման ցանկութիւնը` յստակ օրակարգով:

Այնուհետեւ, բարեկամութեան շրջանակի անդամները մտքեր փոխանակած են յառաջիկայ ծրագիրներու, տարուայ կտրուածքով սպասուող ձեռնարկներու եւ անոնց նախապատրաստութեան հարցերուն շուրջ:

 

 

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS