Ռուբէն Գալստանեանի Աշխատանքային Այցը` Թորոնթոյի Հայկական Համայնք

4-13

Ինչպէս կը տեղեկացնէ «Հայերն այսօր»-ը, Եւրոպայի մէջ  Հայոց բանակի եւ Ֆրանսայի մէջ Երկրապահ Կամաւորական Միութեան ներկայացուցիչ Ռուբէն Գալստանեան  փետրուար 3-9 աշխատանքային այցով կը գտնուէր Թորոնթոյի մէջ: Այցելութեան ընթացքին  անոր ուղեկցած են Գանատայի մէջ ՀՀ սփիւռքի նախարարի խորհրդական Խորէն Մարդոյեան եւ Թորոնթոյի հայ համայնքի ներկայացուցիչ, քաղաքական գործիչ Յակոբ Ճանպազեան:

Ռուբէն Գալստանեան Թորոթոյի Հայ կեդրոնին մէջ հանդիպած է թորոնթոհայ համայնքի ներկայացուցիչներու, համայնքային կառոյցներու ղեկավարներու ու անդամներու, ինչպէս նաեւ Թորոնթոյի միջ յարանուանական եկեղեցիներու հոգեւոր հայրերու հետ:

Փետրուար 4-ին  Ռուբիկ Գալստանեան մասնակցած է Մեծի Տանն Կիլիկիոյ Կաթողիկոսութեան Գանատայի Հայոց թեմի Առաջնորդ Գերաշնորհ Տ. Բաբգէն արք. Չարեանի օրհնութեամբ  եւ Կանանց խորհուրդի կազմակերպմամբ տեղի ունեցած «Առաջնորդի ընթրիք»-ին, որուն ընթացքին հանգանակուած է 25.000 գանատական տոլար: Այնուհետեւ Ռուբէն Գալստանեան  այցելած է համայնքային կառոյցներ, ծանօթացած  «Հայաստան» համահայկական հիմնադրամի Թորոնթոյի մասնաճիւղի գործունէութեան ու իրականացուցած աշխատանքներուն, որոնք  ներկայացուցած է կառոյցի ղեկավար եւ  ատենապետ Մկրտիչ Մկրտիչեան:

 Օնթարիոյի բժշկական միութեան ատենապետուհի Անի Հասրջեանի հետ հանդիպման ընթացքին Ռուբիկ Գալստանեան ծանօթացած է միութեան կատարած աշխատանքներուն,  մասնաւորապէս,  հայոց բանակին ցուցաբերուած օժանդակութեան, ապա անդրադարձած են յետագայ  աշխատանքներուն:

Ռուբիկ Գալստանեան հանդիպումներ ունեցած է նաեւ գանատահայ գործարար շրջանակներու հետ, այցելած  “Rex Magnetics” գործարան, ուր գործարանի  հիմնադիր, ղեկավար Լեւոն եւ Սիմոն Հասրջեաններու ուղեկցութեամբ շրջած է գործարանին մէջ: Վերջիններս հիւրին ներկայացուցած են իրենց ծաւալած գործունէութիւնը եւ տեղեկացուցած, որ Գանատա հաստատուած սուրիահայերուն օգնած են աշխատանք գտնելու հարցով:

Աւելցնենք նաեւ, որ Ռուբիկ Գալստանեան Գանատա կատարած այցելութեան ընթացքին  Թորոնթոյի ՀՕՄ-ի ամէնօրեայ վարժարանի աւագ դպրոցի բարերար, գործարար Վարուժան Լապոյեանի հետ քննարկած է անոր յառաջիկայ ծրագիրները:

 

 

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS