Արցախի Հանրապետութեան Նախագահը Պերճ Սեդրակեանը Պարգեւատրած է «Մեսրոպ Մաշտոց» Շքանշանով

82577

Արցախի Հանրապետութեան նախագահ Բակօ Սահակեան, Մարտ 15-ին, Ուաշինկթընի մէջ ՀՀ դեսպանատան մէջ հանդիպում ունեցած է Ամերիկայի հայկական համայնքային կառոյցներու ղեկավարներուն հետ:

Արցախի Հանրապետութեան նախագահի աշխատակազմի տեղեկատւութեան գլխաւոր վարչութեան տեղեկութիւններով` քննարկուած են Արցախի պետականաշինութեան, հասարակական-տնտեսական զարգացման, Հայրենիք-Սփիւռք կապերուն, մեր հանրապետութեան մէջ տարբեր ծրագիրներու իրականացման առնչուող հարցեր:

Նախագահ Սահակեան երախտագիտութիւն յայտնած է ներկաներուն, ընդգծելով, որ Արցախի մէջ մշտապէս կը զգան Ամերիկայի հայկական համայնքի ներգրաւուածութիւնը մեր երկրի կեանքին մէջ, որուն անմիջական մասնակցութեամբ մեր հանրապետութեան մէջ կ՝իրականացուին բազմաթիւ ծրագիրներ:

Բակօ Սահակեան նաեւ արժեւորած է ԱՄՆ-ի հայկական կազմակերպութիւններու դերակատարութիւնը Արցախի միջազգային ճանաչման եւ մեր երկիրը աշխարհին ճանաչելի դարձնելու գործին մէջ:

Երկրի ղեկավարը պարգեւատրած է Հայկական բարեգործական ընդհանուր միութեան նախագահ Պերճ Սեդրակեանը «Մեսրոպ Մաշտոց» շքանշանով` Արցախի Հանրապետութեան մատուցած ծառայութիւններուն համար:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS