Հալէպի Մէջ Իրականացած «Կինը եւ Ընտանիքը» Ցուցահանդէսը Ունեցաւ Աւելի Քան 50.000 Այցելու

130318-2

Կիրակի, 11 Մարտ 2018-ին, Հալէպի բերդին շուրջ, Հալէպի Առեւտուրի Պալատի Գործարար Կանանց Յանձնախումբի կազմակերպած «Կինը Եւ Ընտանիքը» 10-րդ քառօրեայ ցուցահանդէսը իր աւարտին հասաւ այցելուներու հոծ ներկայութեան: Այս մասին կը հաղորդէ «Գանձասար»-ը։

Յանձնախումբի նախագահ Լինա Աշրաֆիէ յայտնեց, որ նախորդ չորս օրերուն ցուցահանդէսի այցելուներուն թիւը անցաւ 50.000-ը: Ցուցահանդէսը առիթ էր նաեւ իւրաքանչիւր հալէպցի ընտանիքի այցելելու Հին Հալէպ շրջանն ու Հալէպի բերդը, որոնք հնագիտական եւ մշակութային արժէք կը ներկայացնեն եւ տարիներու ընթացքին դարձան ահաբեկչութեան դէմ պայքարի խորհրդանիշ:

Յանձնախումբի անդամ Հուրի Քէօշկէրեան յայտնեց, որ ցուցահանդէսը յարմարագոյն առիթն էր սուրիացի կիներու տաղանդն ու կարողութիւնը յայտնաբերելու: Ան անդրադարձաւ ցուցահանդէսին կողքին կազմակերպուած այլ աշխատանքներու, ինչպէս՝ փոքրերու յատուկ անվճար տաղաւարի մը գոյութեան, ուր այցելեցին աւելի քան 4.000 մանուկներ եւ նահատակներու ընտանիքներու պագեւատրման: Այցելուները յայտնեցին, որ ցուցահանդէսը իւրայատուկ էր եւ գունեղ:

Յիշենք, որ «Կինը եւ Ընտանիք» 10-րդ ցուցահանդէսին իրենց մասնակցութիւնը բերին 25 հալէպահայ գործարար կիներ, ինչպէս նաեւ ՍՕԽ-ի Ձեռարուեստի եւ Աշխատանոցի յաձնախումբերը, որոնք նախշատուն անունը կրող տաղավար մը ստանձնեցին, իսկ «Փեթակ» խոհանոցը ներկայացաւ իր առաձին տաղաւարով:

Ցուցահանդէսի աւարտին, կազմակերպիչ մարմինը յատուկ գնահատագիրներով պարգեւատրեց մասնակիցները։

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS