Ռուսական Պատուիրակութիւնը Ծիծեռնակաբերդի Յուշահամալիր Այցելած է

82388

ՌԴ ԴԺ Դաշնութեան խորհուրդի միջազգային գործերով կոմիտէի պատուիրակութիւնը` ՌԴ ԴԺ Դաշնութեան խորհուրդի միջազգային գործերով կոմիտէի նախագահ Կոնստանթին Գոսաչովի գլխաւորութեամբ, ՀՀ ԱԺ արտաքին յարաբերութիւններու մշտական յանձնաժողովի նախագահ Արմէն Աշոտեանի ուղեկցութեամբ, Մարտ 13-ին, այցելած է Ծիծեռնակաբերդի յուշահամալիր:

ԱԺ հանրային կապերու վարչութեան փոխանցած տեղեկութիւններով՝ պատուիրակութեան անդամները ծաղկեպսակ դրած են Հայոց Ցեղասպանութեան զոհերու յիշատակը յաւէրժացնող յուշակոթողին, ծաղիկներ խոնարհած անմար կրակին մօտ եւ լռութեամբ յարգած Սուրբ նահատակներուն յիշատակը:

Անոնք այցելած են նաեւ Հայոց Ցեղասպանութեան թանգարան-հիմնարկ, ծանօթացած ցուցանմուշներուն: Կոնստանթին Գոսաչովը արձանագրութիւն կատարած է յուշամատեանին մէջ:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS