«Թագաւորի Թագը Կը Փնտռէինք, Ոսկորներ Գտանք». Թուրքիոյ Մէջ Ձերբակալուած են Հայերու «Գանձերը» Որոնողները

82359

Թուրքիոյ Քայսերի քաղաքին մէջ ոստիկանները ձերբակալած են հայերու թաքցուցած «գանձերը» փնտռողները:

Ըստ «Նիուզ»-ի՝ թրքական Cumhuriyet-ը կը փոխանցէ, որ Քայսերիի ոստիկանութիւնը հաղորդագրութիւն ստացած է, որ որոշ անձիք քաղաքի հասցէներէն մէկուն մէջ գաղտնի հորատում կ՛ընեն գանձեր գտնելու յոյսով:

Դէպքի վայր մեկնած ոստիկանները ձերբակալած են 3 քաղաքացի, որոնք խոստովանած են, որ գանձ կը փնտռէին, քանի որ լսած են, թէ այդ վայրին մէջ հինէն պահուած մեծ թիւով գանձեր կան:

Դատարան տանելու ճանապարհին լրագրողներէն մէկը հարցուցած է, թէ գտա՞ծ են գանձերը, գանձ փնտռողներէն մէկը պատասխանած է. «Թագաւորի թագը կը փնտրէինք, սակայն ոսկորի կտորներ գտանք»:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS