«Թուֆէնքեան» Հիմնադրամը Սահմանային Դիրքերու Մէջ Արեւային Վահանակներ Կը Տեղադրէ

solar system

«Թուֆէնքեան» բարեգործական հիմնադրամի նախաձեռնութեամբ առաջնային գիծին վրայ տեղակայուած շարք մը դիրքերու մէջ տեղադրուած են արեւային վահանակներ եւ մարտկոցներ` արհեստագիտական սարքաւորումները սնուցելու նպատակով:

Այս մասին՝ ըստ «Արցախփրես»-ի՝  ըսած է «Թուֆէնքեան» բարեգործական հիմնադրամի գործադիր տնօրէնի օգնական Մետինա Յովհաննիսեան` աւելցնելով, որ արեւային վահանկներու առաջին խմբաքանակը տեղադրուած է Մարտին, եւս մէկ փուլով կը նախատեսուի համակարգեր տեղադրել ընթացիկ տարուան մէջ:

Անոր խօսքով` ծրագրի նպատակն է աջակցիլ Արցախի Հանրապետութեան պաշտպանութեան բանակին: Անիկա շարունակական բնոյթ պիտի ունենայ:

«Արեւային համակարգերու պատրաստումը «Թուֆէնքեան» բարեգործական հիմնադրամը պատուիրած է Հայաստանի մէջ գործող «Արփի Սոլար» կազմակերպութեան: Ընկերութեան կողմէ պատրաստուած տուեալ արեւային համակարգերը շարժական են, հեշտ տեղափոխուող եւ օժտուած բաւականաչափ հզօրութեամբ»,- ընդգծած է Յովհանիսեան:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS