Հայաշխարհի Ինքնութեանց Եւ Յուշերուն Նուիրուած Քննարկում Ֆրեզնոյի Համալսարանին Մէջ

Hayk-Demoian

Քալիֆորնիոյ Նահանգային համալսարանի Ֆրեզնոյի մասնաճիւղի Հայագիտական ծրագիրին կազմակերպութեամբ, Երկուշաբթի, Մարտ 19-ին, երեկոյեան ժամը 7:30-ին, համալսարանի Գործարարական բաժանմունքի «Ալիս Փիթըրզ» սրահին մէջ (թիւ 191), դոկտ. Հայկ Դեմոյեան հանրային բանախօսութեան մը ընթացքին պիտի խօսի Հայաստանի եւ Սփիւռքի մէջ հայերու բազմաթիւ ինքնութեանց եւ յուշերուն մասին, կը հաղորդէ “Ասպարէզ”-ը:

Ան պիտի քննարկէ Հայաստանի եւ Արցախի նկատմամբ Սփիւռքի տարբեր հատուածներուն ունեցած տարբեր մօտեցումները, ինչպէս նաեւ սփիւռքահայերու նոր համայնքներու ստեղծումի հարցը։

Յայտնենք, որ Երեւանի Հայոց Ցեղասպանութեան թանգարան-հիմնարկի տնօրէն դոկտ. Հայկ Դեմոյեան վերջերս հեղինակած է «Հայկական Հետքն Ամերիկայում. 400ամեայ Ժառանգութիւն» հատորը: Ան նաեւ գլխաւոր խմբագիրն է «Հայոց Ցեղասպանութեան Ուսմանց Միջազգային Հանդէս» անգլերէն պարբերաթերթին։

Նշեալ ներկայացումը մաս կը կազմէ համալսարանի Հայագիտական ծրագիրի գարնանային դասախօսութեանց շարքին եւ զայն կը հովանաւորէ Լիան Փիթըրզի անուան հիմնարկը:

Մուտքը ազատ է, իսկ ինքնաշարժները կարելի է ձրիաբար շարել թիւ «P5» կամ «P6» կանգառները, ուր օգտագործուելիք գաղտնաթիւին համար կը խնդրուի դիմել հայագիտակաի գրասենեակ՝ (559) 278-2669 թիւով:

Յաւելեալ տեղեկութեանց համար, այցելել www.fresnostate.edu/armenianstudies կայքէջը:

  • Facebook
  • Twitter
  • Delicious
  • LinkedIn
  • StumbleUpon
  • Add to favorites
  • Email
  • RSS